حكايتي تشبه حكاية بزاف بنات 2024.

السلام عليكم
كيما اغلب البنات الجزائريات أنا خطيبي يخدم في الدرك الوطني بطبيعة الحال ماشي ديمامعايا
وراني نخمم منبعد كيفاشش الحال رايح يكون ..
ديما يطول مايجيش وديما بعيد ..المشكل انو بعد الزواج هو رافض انو يديني معاه ..؟؟
و انا نحبه بزاااف نفرط في عمري وما نفرطش فيه ..

كيفاش نصبر عليه
انا كي راهو يجي وعاود يروح ننضر بزاف ونبقى نبكي كيما لbb وهذي خارجة على يدي

هادو عامين رانا مع بعض و مازلت ما والفتش

.
.
.
حبيت نفرغ قلبي prc que اليوم راهو رايح ……….تاني

هههههههههههههه
و الله ياأختي العزيزة تحسبي طليتيلي على الجرح.أنا تاني خطيبي بعيد عليا بزاف و هو أيضا في الجيش
حتى أما كانت تبانلي صعيبة بصح هذا هو المكتوب و الزهر
الدرك أو الأمن أو الجيش يلزملهم إمرأة من حديد بحكم الوظيفة أصبري مادام راهو خطيبك راكي تعرفي ظروفوو خيرتيه من بين رجال العالمين
اصبري و لكن نوصيك عمرك ماتغلطي وتحسيه بلي راكي مضرارة من البعد تاعو لأنو هو يحتاج لوحدة توقف م‘او مشي وحدة تزيد عليه و ماتنسايش هو الوضعية هادي راهو موالفها يعني قبل مايبعد عليك راهو بعد على يماه و دارهم إذن ماتستنايش وين يروح يديك
ربي يعاونك و يفرج علينا و يحفظ لينا رجالتنا

ربي يعينك يا اختي
مدامو رافض انو ياخدك معاه
قنعي روحك من درك
خاصة اذا كانت ظروفو متسمحلوش
يعني لكراء راهو غالي درك
واذا كان يقدر يديك معاه حاولي مرة و2و3 يمكن يتراجع ويديك معاه
ربي يعينك

رانا ف الهوا سوا

بصح راجلي جرب بعد علي ف ستاج قالي كي نجي مستحيل نزيد نعاود الخدمة هادي وين نروح نديك

والله نا حابة نريح و لوكان عام عند يماه كش ما يدير تاويل هو قالي ماتباتيش ولا ليلة

و الكرا غالي ف دزاير زوج و نص و يا ربي

المهم الحمد لله رضيت ربي رضييييييييت الحمد لله

قوليلي يرحم باباك كيفاش قنعتيه
ربي يعطينا الصبر

]و الله نقلك الصح كون أنا ما نحملش البعد. ربي يصبرك.
بصح كاين بنات بزاف كيما حالتك .كي زوجو ما صبروش فالأول بصح مبعد والفو خاصة كي جابو لولاد.
هكاك أنتي يجي نهار و توالفي.و ما تقلقيش روحك.
المهم عندك حبيبك تحبيه و يحبك.ياك هكذا . هيا نشفي دموعك و تفكري لحظاتك معاه المليانة بالحب.
سلالالالالالالام.

الله يعطيك الصبر ربي مع الصابرين

ربي معاكم انا راجلي يخدم نص نهار ومينداك يطول ساعة برك ندير حاله,بصح لجوندارم يخرجو روترات بكري هكدا تشبعوهم شويا تقبلو مروري