اليوم جبتلكم وصفة شهية ولذيذة
وهي عبارة عن بطاطا وباذنجان في اكياس الشواء اللي الكل اصبح يعرفها وانا شخصيا منقدرش نستغنى عليها لان الخدمة بيها نقية ومرتبة هههه
المقادير:
رطل بطاطا اغسليها وقطعيها جوانح كيما تاع الفريت مي خشان شويا
رطل باذنجان تاني مقطع ونحاول يكون بنفس الحجم
حطيهم بجنب وحضري التتبيلة وهي:
حبة بصل رابي
حبة طوماطيش رابي تاني
3 حتى 5 فصوص ثوم رابي
زوج مغارف زيت عادي
زوج زيت زيتون
زوج عسل
مغرفة خل
مغرفة خردل
مغرفة هريسة
ملح
فلفل اسود
كمون
كروية
راس الحانوت
نحركهم مع بعض ونزيدلهم زوج قرون فلفل حار احمر مقطع دوائر
ونحطهم فوق البطاطا والباذنجان ونحرك جيدا
ونجيب كيس الشواء نحط فيه مغرفة تاع فرينة ونحط فيه الالبطاطا والباذنجان المتبلين
ونفرغ كل كمية التتبيلة
هنا ملاحظة اللي حبت تدير قطع دجاج تدير وتحطهم في التتبيلة قبل البطاطا والباذنجان تخليها ربع حتى لنص ساعة في الثلاجة ومن بعد تحط البطاطا والباذنجان وتحرك جيدا وتديرهم في الكيس تاع الشواء
وتدير قيس فنجان تاع ماء مذاب فيه شويا طماطم مصبرة (ممكن تستغي عليها)
واغلقي الكيس بالرابط تاعو وديريه في بلاطو تاع الفور يكون شويا غامق واثقبي الكيس تاع الشواء ثلاث ثقوب بالابرة
وخليها في فرن ميفوتش ال 200 درجة
وخليها من 40 د حتى لساعة حسب درجة الفرن تاعك ولما تطيب خليها تبرد شويا وافتحيها بالشويا باش متنحرقيش
وهاهي واجدة
اتمنةى ان تنال اعجابكن
الى اللقاء
في اطباق اخرى
يسلمو يسلمو يسلمو
في الحقيقة اول مرة نشوف هاد الطريقة البطاطا مع البادنجان بدون قلي
ربي يحفظك والله لا يحرمنا من جديدك
في الحقيقة اول مرة نشوف هاد الطريقة البطاطا مع البادنجان بدون قلي
ربي يحفظك والله لا يحرمنا من جديدك
والله الخدمة بالاكياس حاجة فووووووووووووووور بنة ونظافة
يسلممممممممممممممممممممممممممممممممممممممووووو
يسلممممممممممممممممممممممممممممممممممممممووووو
يعطيك الصحة
الله يسلمكم خياتي
هي اكيد بنينة ونقية وتاني صحية خاطر بلا قليان
هههههههههه
هي اكيد بنينة ونقية وتاني صحية خاطر بلا قليان
هههههههههه
هل اكياس الشواء ليس لها اضرار على صحة الانسان ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
لا حبيبتي متخافيش من اكياس الشواء لان مفيهاش مواد مضرة بصة الانسان على عكس ورق الالمنيوم
لكن حبيبتي انا سمت انو ورق الالمنيوم له اضرار كبيرة على صحة الانسان في الحقيقة انا لا استعمل ورق الالمنيوم
بصحتكم….تشهي حقا
والله ما نعرفها وشحال عجبتني يا ختي صحيتي
