اخواتى بما اننا نعانى كثيرا من تنضيف الطابونة والكل او معظهم يحبو يعرفو كفاه نظفو الطابونة واليوم جبتلكم الطريقة
كفاه تنظفوها بسهولة بدون عناء ومجربتها اكيد لهذا حبيت تستفادو من طريقتى
لعلم الجميع تنضيف الطابونة صعب سيرتو للمبتديئات والحل الافضل لكل ربة بيت لتنضيف الطابونة هو انك تحكمي
الطابونة وتنزعي منها اليد النحاسي و تفتحيه ومن الافضل اكون الزوج او الاخ اكون يعرف باالنسبة ليا انا نفتحو ونغسلو
باالقارص ونحكو مليح يرجع يلمع ونضفو بلقطنة مليح ونتركو ينشف مليح ومبعد نحكم الطابونة الكحلة ونوجد لحطب في
بتية كبير ةوندير مجموعة كبيرة من الحطب ونحط الطابونة والكانون انتاعها ونضيف لحطب فوقها ونشعل النار بشوى
مازوت باه تشعل النار بلخف وخليها ان تطفي النار وتبرد ونرفدها بلعقل ونجيب الشيتة ونحكها مليح ومبعد نغسلها
باالماء والصابون و نضفها ..ونزيد نحكم اكانون انتاعها ونضفو كذلك باالماء والصابون ونضفو مليح ومبعد انخليهم في
الشميسة حتى ينشفو مليح ومبعد نركبها كما كانت وهنا كملنا تنضاف انتاعها و ركبناها وباه تجتنبي ان تتوسخلك
حطى طرشونة مشمخة على يد الطابونة تاع النحاس وتركيها وعندما تطبخي بزيوت او اي حاجة متتوسخش لك بلخف
وشكرا وان شاء الله اذا مفهمتوش خبرونى رانى في الخدمة اختكم ام شيراز
انا شريت فورس اكسبرس تاع الدهون و راني نستنى في شوية كوراج يجيني باش نبرد فيها قلبي
وانت في طريقتك راكي تعتمدي على تسهيل العملية بالحرارة خاطر طي تسخن الحاجة تجي ساهلة في الغسيل يعطيك الصحة
إن شاء الله نطبقطريقتك ونفرح ست الكل
يعطيك الصحة ختي
انا نغسلها بالشيتة وتعبني بزاف
ورح نجرب طريقتك مي راها تبان لي متعبة اكثر هههههههههه
بارك الله فيك
مشكورة ام شيراز على التوضيح