تجربتى عام رجيـــــــــم 2024.

السلام عليكم ورحمة الله تعالى وبركاته

اولا أنا حطيت هذا الموضوع ليس لهدف التشهير ولا بغية الحصول على الردود والاعجابات والله هو العالم

انا حبيت موضوعى هذا تكون فيه فيدة لكل واحدة حابة دير الرجيم ومقدرتش

راح نسرد لكم حكايتى أنا في الاولى مكنتش حاسة روحى عندى وزن زائد وكانت تعجبنى روحى حتى اللى يشوفونى يقولولى راكى عادية

واستمريت في عدم اللامبالاة

شاءت الصدف في بداية عام 2024 أصاب بمرض الحصبة -البحمرون- وبعد ما روحت لطبيبة قالت لى ماشي حاجة خطيرة

لكنها سألتنى على عمرى قلت لها 19 وطولى قلت لها 1.65 وقالت لى شحال الوزن تاعك؟ هنا معرفتش نجاوب خاطر جامى وزنت روحى

طبعا طلعتنى على الميزان وشافت وازنى انصــــــــــــــــــدمت وزنى فات 75 كليو

قالت لى ماشي حق عليك تخلى روحك هكذا فتاة جامعية وفاهمة وعارفة واش معناتو الوزن الزائد وتخلى روحك توصلى لهذي الدرجة ورانا في عام التطور وعندك شحال من حل -كون تحلت الأرض كون دخلت فيها-

سألتها واش من رجيم تنصحينى به دكتورة؟ مدت لى رجيم بصراحة مقدرتش لو اللى هو

رياضة ساعتين في اليوم
غذا وعشاء دون خبز
ممنوع الحلويات والسكر

ابتدت معاناتى مع هذا الرجيم ومقدرتش لو حبستو

وبدات رحلتى مع البحث على رجيم يكون أحسن وأكل صحى تكون فائدته اكثر

فجربت أكثر من ثلاثة رجيمات وعدة اعشاب لكن لا فائدة ننزل بكليو وبعد اسبوع يولى كيما كان

حبست الرجيم لكن مكنتش مرتاحة مع روحى وكل مرة نوزن نلقى روحى طالعة

حتى قررت ودرت عزيمة وارداة

وقلت ربي عطانى قداش من نعمة عطالى الجمال عطالى الصحة باستهتاري هذا اكيد راح نضيع كل النعم

وراح نتحاسب عليها وراح نتسبب لى في امراض كثيرة

وحاولت مجددا وبحثت سألت وحللت و تعرفت على الصحى والغير صحي ومزجت العديد من الرجيمات وخرجت برجيم طبقتو ونحجت هذه المرة

اليكم الرجيم اللى أنا تعبتو

والله ولى التوفيق

متستهزايش ومتيأسيش حاولى حاولى حاولــــــــى

وانا كنت مثلك تماما هبلت وكرهت روحى بصح قررت نتحدى

التحدي ياغالية وربي يكمل لك وتفرحى فرحتين فرحة انقاص الوزن وحفلة العرس

ربي يخليك حبوبتـــــــــــــــــى