بغرير روعة مع مشكلة بسيطة 2024.

سلام على كل العضوات اسفة بل كل الأخوات

انا اليوم طبقت بغرير 7دقائق وخرجلي رووووووووووووووعة ولكن صلدفتني مشكلة طيبتو مليح وحمار روعة وبعد ما سقيتو بالشربات اشربها تغير اللون الي الفاتح جدا والبغريرات يلي من تحت ولاو عجين يلي صادفتها المشكلة تقولي واش لازم ندير

السلام عليكم و رحمة الله تعالى و بركاته
اختي انا في رايي تكوني درتيلو الشاربات و هو كان مزالو سخون و كي يكون سخون ماديريلوش الشاربات و ديري هدا فوق هدا
هدا حسب ما نظن و إن شاء الله الأخوات يفيدوك

أختي حنا البغرير نحطو وجه و نغطوه بنفس الوجه يعني المثقب يقابل المثقب و الجهة المسطحة تقابل الجهة اللي كيما هي، و نظن تاني لو كان درتي عسيلة ثقيلة خير من الشاربات خفيفة و راهو تشمخ بزاف، و الله أعلم

اختي امشكل كي سقيتيه بالشاربات اكيد الشاربات يا اما ماشي عاقدة او انه كان سخون انا رايي تدهني وجهه المتقب بشوية زبدة وتحطي حبة فوق اختها حتى تكمليوعند التقديم اسقيه لاعسل احسن

سلام حبيبتي
جامي تحطيه وحدة فوق وحدة قبل ما يبرد
وتاني لازم ينحط على قطعة قماش و يتشرب بعسيلة نوعا ما تقيلة و حتى يبرد مليح و انا تاني نحطو بطريقة مون
و شوفي تطبيقي راني درتو بالتفصيل الممل
انشالله المرة الجاية تتفداي هاد الاخطاء و يجيك روعة

انا نحط عليهم الزبدة والكونفيتير ونشرب كل وحدة وحدها وبارك الله في الاخوات

مرحبا حبيباتي اولا شككككككككككككرا للردود والاهتمام

انا في الحقيقة عملت خليط زبدة وعسل كما نتاع الطمينة وسقيت بالمغرفة ولكن صدقوني كحطيتو وكلينا البغريرات الثلاثة لخرين صارو عجين وبيوووووضا من الجهة السفلى هذاك اللون الذهبي الجميل اختفى تماما