السلام عليكم و رحمة الله و بركاته
كيراكم يا الغاليات
اليوم جبتلكم وصفة البسكوي بالبرتقال وصفة خفيفة و هايلة خصوصا في فصل الشتاء يكون البرتقال متوفر 
و احيانا يكون البرتقال حامض, نديروه في هذه الوصفة افضل ما يقعد يفسد 
مقادير البسكوي
6 بيض
4 كيسان فرينة
كاس سكر
كاس الا ربع زيت
كاس عصير البرتقال
قشور برتقالتين
2 طلاعة
قرصة ملح
شرائح البرتقال
مقادير الكراميل
12 ملعقة كبيرة سكر
3 ملعقة كبيرة ماء
ملعقة صغيرة زبدة
التحضير
نحضرو الكراميل نديرو كل المقادير عيى النار هادئة حتى يتكرمل السكر
نفغوه في السنيوة وتستفو شرائح البرتقال انا البرتقال مقدنيش زدت التفاح
بالنسبة للبسكوي نفصلو البياض على الصفار
في اناء نطلعو البياض +قرصة ملح كالثلج
في اناء نديرو الصفار + السكر+قشور برتقالتين و ليمونة+قرصة ملح و نخلطو مليييييح
مبعد نضيفوا الزيت ثم العصير و اخيرا و ليس اخرا نضيفو الفرينة+ الطلاعة المغربلين و نخلطو مليييييح ثم نضيفوا البياض تدريجيا
و نفرغوه في السنيوة و ندخلوه الفرن لمدة تقريبا 25د حسب كل فرن
و فور خروجها من الفرن نقلبوها و هذا هو شكلها
مشكورة بصح مضهروليش الصور تبان وصفة بابا لوغونج
تسلم الأيادي حبيبتي