انصحوني 2024.

سلام.اود ان اسأل ذوي الخبرة عن افضل عصير استطيع ان اقدمه لابنتي وهي الان تعاني من الزكام عمرها عام و3اشهر.مارأيكم في رامي او رويبة رغم انني اخاف من استعمال المواد المعلبة لانني اعلم ان المواد الحافضة فيها تضر بصحة الطفل.بنتي تحب تع البرتقال.ولان الشينة مازال ماوجدتش الحلوة باه نديرلها jus طبيعي حبيت نسقسيكم على راميest-que صحي ولالا

أختي ما عنديش خبرة في الأمومة بصح نعرف باللي الحاجة الطبيعية خير، و رامي و غيرو ما هيش طبيعية و فيها لاسيد بزاف من الأفضل تجنبها، و عصير البرتقال مليح ، خويا كي كان صغير كانت ماما ديرلو بزاف عصير تشينة في البيبرو، كثرتلو منو و دوك صدقيني هو الةحيد فينا اللي ما يضربوش البرد بسهولة، نعرف تاني باللي الكيوي فيه بواف فيتامين c، و راه متوفر في انتظار يفيدوك الأخوات، حبيت نرد عليك، تحياتي

بنتي عندها عام احيانا ونحن نأكل تحب تشرب العصير الي تشوفو فوق الطاولة وانا خطرات اعطيها اضن رامي ما فيهش كثير اضافات اصطناعية
بصح رويبة احسن خاصة رويبة الطبيعي ليس الي علبته زرقاء لكن علبته خضراء قاتمة وفيها حبة برتقال معصورة هو طبيعي وليس فيه اضافات الا الماء لا سكر ولا شئ حتى انه جيد لاصحاب الحمية وتجدين فيه مانغ وعنب
rouiba nature
هذا اسمه وليس رويبة عادي وكي ما توجديش الفاكهة تقدري تعوضي بهذا وما تكثريلهاش حتى تدخل الفاكهة واصنعي عصيرك بيدك

ربي يشفي بنتك يا رب
اعطيها المندرينة نليحة ياسر في انتظار البرتقال
و ما تخافيش العصائر المعلبة بنتك عدات العام
ربي معاك حنونة

انا كنت ندير التمر مع مء سعيدة و نديرو فالميكسور و نصفيه ملي كان في عمرو شهرين على خاطرش ماحبش لحليب و الطبيعي ديما ااحسن حاولي ادا عندك سونتغيفيجوز تديري عصير من الفواكه المجففة ييعتي زبيب و مشمش

انا ابنى عام و ثلاثة اشهر ما زال ما عطيتلوش العصائر خلاص ضرك كى يدخل البرتقال نعطيلو الطبيعى و اذا على الزكام كثرى من استعمال السيوم ام ماء البحر مليح و ربى يشفيها ان شاء الله

مطيعة زوجها انصحوني انا حامل في الشهر السابع البيبي يوزن 1كغ و100غ هل هاذا طبيعي قالت لي الطبيبة اذا بقى هاكذا نحيهولك بالعملية ونحطو في العناية انا خايفة كتير ارجو الرد

ماتخافيش انا بنتي جبتها في شهر ثامن و مش واصلة وزنة زوج كيلو و الحمد الله عاشت و راه عمرها عامين بصح ضعيفة
انشاء الله ربي يسلكك على خير