دبرو راسكم لازم تعاونوني يا لوكان غير بنصيحة
عندي مشكلة مع البواسير وللاو يجوني غير على سبة مع العلم ماعنديش امساك
ولليت نحشم في الخدمة باش نوض من بلاصتي غير بالسيف
و الكبيرة قاع كي ييطلي خطيبي يلقاني مريضة كي يسقسيني نحشم باش نقوله الصح
ماما قالتلي لازم تداويهم ضروك si non كي تولدي يعاودو يخرجولك اكثر "تبهديلة"
مانقدر نديرلهم حتى دوا بارسكو يحرقوني جربت annusol . cyclo3
مع العلم ماشي ديما منتفخين غير مع المروح للتواليت"حشاكم" .
حمبوكم اللي عندها كاش عفسة وللا دوا فعال ما تبخلنيش الله يجازيكم.
صح رمضانكم
قبل ما نبدا نقولك الطبيب هو دواك
ان الوالد ديالي 20 سنة وهو يسوفري كي يجوه تقول الدورة جاتو
بصح عيا وراح للطبيب واصبح يجوه من ذاك
ونزيدك حماتي راهي 4 سنين تسوفري من ولادتها الاولى امساك ودم في خطرة راهي تمشي بالدواء والرجيم وكون تشوفيها تقول راهي تاكل من لحمها
لازم تنحي الحشمة هذيك صحتك وبعيد الشر قادر ايجي الوقت حتى الدواء وما ينفع
واش نقولك اسمحيلي على صراحتي
وربي يجيب الشفاء
اخر طبيبة رحت عندها شخصت الحالة تاعي مالقاتش السبة المباشرة لا امساك لا مشروبات غازية حتى الخبز راني متوحشاتو قالتلي السبة هي انو عندك الضيق انا صراحة ماقتنعتش بكلامها الدليل خطرات نخرج وما ننضرش
شكيت السبة في الجلوس المطول في الخدمة
عموما بارك الله فيك وصح فطوركم
والله انا الوالد ديالي كان الحار هو عدوه في الماكلة
جربي النخالة هي مليحة ولها فوائد
ونصيحة طبيب مدها للوالد انه لما يدخل لبيت الخلاء مش لازم يعصر روحه هذاك يزيد الطينة بلة
لازم تشوفي طبيب مختص في هذا
أنو قادر يكون شرخ شرجي و ماشي بواسر بما انو ماعندكش امساك
و فقط باش تحبسي شويا وجع ننصحك بهاد البوماد أنا مجربتها و تحبس لوجع
تيتانوريين TITANOREINE
و ماتنسايش الطبيب المختص اللي عندو راديو تاع الشرج سبيسيال
بالشفاء العاجل
هذه الوصفة مجربة و فعالة و ربي يجيب الشفاء لجميع مرضى المسلمين.
ربي يشافي
نعرف واحة عانت كثير ومن بعد كي راحت الى الطبيبب لقا ها غير حبيببة وعالجتها ودرك راهي لاباس عليها
انت قبل ماتزوجي عالجيها كيما قاتلك يماك راها تزيد مع الحمل وماتحميش منها اختي راها اغلبية الناس يعانو منو
وصفة طبيب اعشاب مختص