الي تعرف حلوة لقاطيف تدخل 2024.

حنونانتي تعيشو حابة ندير حلوة لقطايف في لي مول اندفديال الي يتباعو وحابة تقولولي كيفاش نديرها بتفصيل وشحال من باكي قطايف نستحق ف 200 حبة تعيشو قولولي راني نستنى موااااااح

الله اعلم حنونة ماعندي خبة فيهم

العلم لله اختي … اسفة ياريت نقدر نعاونك ممكن البنات وامهاتنا في المنتدى يعاونوك

سلام انا هكدا نديرها


1 كغ قطايف + 350 غ سمن ذائب+ 1كاس شاي ماء الزهر.
الحشو: 3 كيلة لوز + كيلة سكر ناعم+ ماء زهر.
إضافات: عسل + مولات صغيرة للقطايف.
النوجة: 300 غ عسل + 2 مغارف كبار زبدة+ 300غ فواكه جافة محمصة ( لوز، جوز، بندق، فستق….) على نار هادئة مع الخلط المستمر مدة 5د للحصول على نوقة.
الطريقة

• بللي القطايف بماء الزهر و السمن تدريجيا و افتحيها حتى تصبح سهلة الاستعمال.
• تدهن القوالب و توضع بداخلها القليل من القطايف ثم قليل من الحشو و غطيه بكمية من القطايف، اضغطي جيداو ادخليها الفرن مدة 15د.
• فور خروجها من الفرن انزعيها من المولات و اغطسيها في العسل وزينيها بالقليل من النوقة في الوسط.

السلام عليكم،
سقسيت اختي قالتلي إذا قطايف تع الجزائر و إلا تع سورية؟
قالتلي الباكي تع قطايف تع الجزائر يدير 8 مول فردي ، في 200 ديري 25 باكي (والله اعلم لأن أختي نسات شحال exactement)
نصيحتي اشري باكي و شوفي شحال يخرجلك باش تكوني متأكدة.
و الطريقة بالتفصيل اتمنى من الاخوات يفيدوك (الله يبارك ام منذر اعطاتك طريقة رائعة و تشهي)، و انا طريقتي هي:
نحل القطايف (كاين لي يدهنوهم بالزبدة ذائبة)؛ ندهن لمول بالزبدة و نحط شوية قطايف ثم الحشو كيما تحبي (اللوز، جوز، بستاش مع السكر و ماء الزهر) ثم القطايف و تحطي من الفوق الزبدة و طيبيهم و كي يحمارو خرجيهم و عسليهم
أيمنى اني افدتك حبيبتي

صحيتو حنوناتي ربي يعطيكم ماتتمنو انا نديرها كيما نتي حنونة نجرب العفسة تاع النوقا ربي يحفضكم ومرسي باكي دير 8 باكي فيها كيلو سقسي ختك تعيشي ومرسي ليكم قاع مواااااح

راني لقيتلك هادي و نشا لله تعجبك

ياطاطا وش نقلك ربي يعطيك ماتتمني ويحفضك وينورك ويخليك فرحتني موااااح على هدوك لعينين ربي يخليك نحبك طاطا

انا نعملهم بنفس طريقة ام منذر لكن الحشو استعمل الجوز فقط ومن فوق نذرذر البيستاش المرحي

شكرا لكم