اليوم صح مانيش مليحة
دك نحكي لكم
انا كل مناسبة نشري القاطو يعني مانعرفش نديرو فالدار و في كل عيد نشري و هدا العام قررت و ياليتني لم اقرر 
اني انا اللي ندير القاطو
نضت الصباح و راكم عارفين الخرجة تع مرا مع الدراري دبزة و عياط و حطيتهم فالطوموبيل و ديتهم قبالة لماما غير هي اللي تسلكني منهم و ديت معاي اختي زعمة راني رايحة ندير القاطو و رحت شريت وحد الصوالح يهبلو تع القاطو جيت للدار و حطيت الدوزان و بديت بسم الله نجبد في الوصفات و نطبق زعمة الوصفة الاولى تع الملفوف نموت عليه درتو ماخرجتليش لصقت العجينة فالطابلة معليش رميتها و زدت وصفة تع الصابلي ماحبش يتلملي كثرت الفرينة معليش رميتها زيد الثالثة الغريبية اللي مافيها حتى خدمة و جاتني يابسة والتالية كامل ياو طلع شاني قلت ندير بقلاوة حبست فالنص و قعدت فشلت خدمتلها وحد العجينة في حياتكم ماشفتوهاش انا وحدة و ماعرفتش كيفاش درتها
:0 000454564::000 0454564:
و التبهديلة الكبيرة كي رحت شيعت روحي و سيرتو راجلي شبع ضحك عليا و يتمسخر بقدراتي مانحكيلكمش شحال غاضوني هدوك الصوالح اللي شريتهم و العجاين اللي رميتهم و الله حاجة ماصدقت لي ياااااا ويلي الكوزينة كيفاش رجعت على بالكم راني قاعدة ماطيبت والو جيت نفرغ قلبي و نروح كاش مانطيب حاجة خفيفة على خاطر راني .gif "S (7)")
:blushing :
بصراحة والله غير صدمتيني ماشي للدرجة هاذي بصح ماعليهش لي يحب يتعلم لازم يخسر
اول خطوة ديريها واحدة واحدة انت دخلتي فيها دخلة روس وتحبي تتعلمي ابداي بالحاجة
وثاني حاجة وهي الاهم لازم تشوفي بعينيك هدا هو السر اللي خلاني نتعلم حوايج بزاف شوفي من عند ناس يعرفو ولا شوفي في اليوتوب على وصفات
وثالث حاجة ابداي ديما بالحاجة الساهلة ماتروحيش ديراكت للواعر انت رحتي ديراكت للبقلاوة اللي هي شوي صعيبة
صدقيني والله نصحتك من قلبي وحبيتلك الخير طبقي وش قتلك وان شاء الله تستفيدي
بصح شوفي حبيبتي هبة كي تحبي تتعلمي ما تتعلميش في المناسبات تعلمي في وساع الحال باش هاكة ما تفشليش
بصح نتحيك حبيبتي لا خاطر راكي ناوية انتاع الصح تكوني ربة بيت ناجحة
بالتوفيق يالغالية وما تزعفيش مني
صبرتوني و بارك الله فيكم و يعطيكم الصحة على النصائح