اليوم حبيت نزل ليكم طريقتي في طبخ الدوارة او الكرشة كي نقولوا احنا.
اول شي الدوارة تكون مغسولة مليح مليح نقطعوها مورسويات ونعملوها في الكوكوت ونضيف لها القزبور والمعدنوس مقطعين ثم الثوم بزايد ونعملوا الزيت والتوابل من ملح فلفل اسود وخرقوم سكنجبير وشوية كمون وزعفران وفلفل احمر وشوية فلفل حارونعملوها تتقلى شوية فوق النار تم نضيف لها الماء الكافي ونغلق عليها كي نحسوا بيها قربت تطيب نضيف لها خيزو اللي هو الزرودية مقطع و نضيف الطماطم مرحية وملعقة كبيرة من معجون الطماطم ونخليوها تكمل طيابهامن بعد نضيف الزيتون والحامض مرقد وبالصحة والراحة.
نتمنى تعجبكم طريقتي.
آآآآآآآآآآآآآآآآآآآآىم ما شاء الله تسخف يعطيك الصحة
فنانة يا دانة مميزة الطبخ الله يبارك تششششششششششششششهي بصحتكم
والله هذا كثير عليا حبيبتي منيني هههههه.ردودك ولطافتك اللي تسخف ربي يبارك فيك ويفرحك حنونة
ربي يبارك فيك ويخليك الحبيبة حنان ياصاحبة الفضل علينا كاملين باش نخرجوا من الروتين ونفضوا الغبار علينا ونبينوا مواهبنا هههههههه
سخفتينا تاكلوه بالصحة
تسلمي حبيبتي مريومة.تفضلي الحبيبة اللقمة الهنية تكفي 100 هههههه
يعطيك الصحة
شوفي نقصي االزيتون والخيزو والطماطم والخرقوم والحار……..انا ثاااااااااني درتها البارحة من الطبخ المغربي..روووووووووووووعة……
لا تعلييييييييق
يعطيك الصحة