السلام عليكم
عدنا من جديد
اهلا وسهلا اخواتي
يلا نبداو
بديت نعمل بغرزة النوبلا كما شفناها في الدرس الاول على 13 خيط شدو وحدة نوبلا و 2 من اليمين و 2 من اليسار و ابداو النوبلا عادي ….ثم السطر الثاني كامل الخيوط ثم السطر الثالث كامل الخيوط و انا رانينسجتو على شكل مثلث شوية باش يجي كما في الصور
من بعد جيبي الخيط الاول اللي في جهتك اليمنى ميليه وحطي الكرية الخشبية
واخدمي عليه بغرزة الفيستون كي تكملي الجهة اليمنى زيدي الجهة اليسرى وابداي من اليسار
اعملي صفين كما في الصورة
…متنسوش زيرو العمل خاصة الفيستون لازملو التزيار يجي واقف..
كي تكملي ركبي الكريات الثلاث في الخيط
وحطي الخيط على شكل مستقيم واعملي غرزة الفيستون في الجهتين واعملي صفين
وعلى الجانبين اخدمي بغرزة التورساد
كل جانب فيه اربع خيوط
والخيوط اللي بقاولك ابداي من النص شكلي بها هذا الشكل اللي في الصورة معين بغرزة الفيستون
وكملي حتى توصلي للاخير
نعاودو ننسجو بغرزة النوبلا كل وحدة والحجم اللي بغاتو
كي نكملو نقفلوها بخيط ندخلو خيط في العقد على الجانبين شغل تخيطي بالابرة
ان شاء الله نكون وفقت في الشرح
ان شاء الله نكون وصلت الفكرة عذرا ماكملتش صورت باقي الخطوات نسيت لتيت مع الخدمة حتى لقيت روحي كملت
ان شاء الله تكونو فهمتو بالشرح
عذرا اذا ما وصلتلكمش الفكرة منعرفش نشرح مليح 
و في الاخير لاستفساراتكم و تساؤلاتكم اتصلوا بي على الرقم التالي:
05555555555555
إيلا ما حكمتوش زيدولها55
هههههههههههه
أمزح
إذا عندكم أي سؤال راني هنا
نقعد عام و منخدمهاش هههه يعطيك الصحة حبيبتي
علاه منيني حنونتي راني هنا نقعد معاك عام حتى تتعلميها
انا نقعد عامين ومافهمتش
ان شاء الله نتعلموا معاك حنونة
بارك الله فيك كي ننوي نرجعلك
بالتوفيق
ان شاء الله نتعلموا معاك حنونة
بارك الله فيك كي ننوي نرجعلك
بالتوفيق