جبتلكم اليوم طريقة ساهلة و ناجحة في تحضير البابا
لذلك تحتاجون الى
4بيض/30 غ زبدة ذائبة/ 2 مغارف حليب/ 200غ فرينة/ 1 خمارة
100غ سكر قلاصي/ سكر+نصف حبة ليمون للشاربات+الماء
كريمة شانتيي للتزيين
ضربي البياض وحده كالثلج مع قرصة ملح
ضربي الصفار مع السكر
ثم اضيفي الدهان + الحليب
ثم الفرينة و الخمارة
ما تنسايش ديري الشاربات تاعك طيب
خلطي البياض مع الخليط الثاني بهدوء من الاسفل الى الاعلى
باش ما يتكسرش و ما يدخلهش الهوا
دهني لي مول تاع البابا بالزبدة
و عمريهم بالخليط
دخليهم لفور يكون مسخن
كي يتحمرو خرجيهم
بواسطة سكين اقلعي الاطراف الزائدة
بصح ما ترميهمش
غطسيها في الشاربات وهي سخونة-البابا- باش تتشرب مليح
ضربي الكريمة شانتيي بالماء البارد او الحليب البارد كيما تحبي
زيني البابا تاعك
و هذه اللمسة الاخيرة
ان شاء الله تعجبكم
بالنسبة للاطراف اللي قتلك ما ترميهمش
ضفتلهم قاطو كان عندي مفتت
و ذوبت الشيكولا
و خلطتهم مليح حتى تحصلت على عجينة
درتها على شكل اسطوانة
لفيتها في ساشي و درتها تجمد
و مبعد قطعيها دوائر و اعطيها للذراري ياكلوها
انا كليتها وحدي يوسف مازاله صغير
هههههه
امممممممم
هايل يا ام يوسف2016
جاتك روعة
تسلم الايادي
ضحكتيني حبيبتي ربي يجازيك الجنة
بصح ردي بالك يزيد وزنك
شكرا لك
ونتسنى منك الجديد
[/IMG]
شكرا على النصيحة
نورتيني ام هديل
سلمت يداك
تحفة ربي يخليك
ابدعتي