نحتاج لهذه الوصفة المقادير التالية
كاس ونص ارز مغلي نصف طياب +ملعقة كبيرة طماطم مصبرة+ زيتون مغلي مليح +جلبانة نص طياب+دبشة ومعدنوس (نص ربطة من كل وحدة) بصلة متوسطة مقطعة رقيق سنة ثوم+طرف صغير زبدة +شوية لحم مرحي مقلي في طرف زبدة غير للبنة (ولا حبيتي كتري ماشي مشكل )توابل فلفل اسود -كصبر -فلفل احمر -ملح
دجاج او لحم اللي عندك بصح اللحم يجي بنين خير انا اليوم عندي غير الدجاج وكانت عندي شوية صوص تاع الفيلي قليت فيها الدجاج مد بنة اللحم
نجيو للتحضير :نخلط كل المقادير في سلاديار كبيرة مليح ومبعد نجيب ورق الالمنيوم ونحط فيه شوية من الخليط وندير رزمات ومانكتروش من الخليط باش مايلسقش الروز نقلي اللحم او الدجاج حتى يحمار نمرقو 2 كيسان ماء نحط الرزمات في الكوكوطة ونغلق مليح ونحطها على نار قليلة وساعه ساعه حركيها مدة 25 الى 30 د حتى يطيب الروز (اذا عندك الكسكاس تاع الككوطة خير )
وكي تشوفيه طاب مليح تحبي تخليه كيما راه ناشف ولا تحبي تسقيه بالصوص الى بقات
نخليكم مع الصور للشرح اذا عجبتكم انتظر الرد شكراا
عندي مدة و انا نحوس عليها
يسلمو
لكن لا تظهر الصور
