يا اخواتي ساعدوني في ايجاد الحل انا مشكلتي مع خطيبي والمشكلة نوعا ما مادية انا عايشة في دارنا مرفهة وفاميلتنا يحبو الفوخ والزوخ والحطة وخطيبي ميسور الحال انا عييت وهو عيا معايا كي يشوفني كيفماه عايشة في دارنا ويشوف فاميلتي اصحاب المناصب والاموال والحطات واللبسة والدهب يتقلق ودايما يحاول يعيشني بنفس المستوي بصح حالته المادية ماشي كيما حنا وانا ديما نقلوا بلي نحبوا بزاف وقابلة بوضعوا المادي مي هو ما يرضاهاش وانا كي نشوفوا يتعامل معايا هكدا نحس في روحي سبب المشكل ومن جهة امي اللي حبت تزوجني كيما تقولها لواحد من مستوانا ويحقق طلباتي وما يخصني والو ودرك راجلي ما تحبوش لا خاطر انا تمسكت بيه وقبلت بيه نحبوا يحاول ديما يسعدني ومليح معايا في كولشي درك انا وماما ديما ما نتفاهموش سيرتو كي تمشي لخطبات فاميلتي الله يهديهم ويبدوا يزوخوا عليها بنسابهم علي هاد الشي نولوا ما نتفاهموش ساعدوني كيفاه نتصرف
انت شدي فيه وماتحاوليش كي يجي هو يلبسي و تديري الذهب البسي عاادي ماشي فوووور لدرجة هو يخاف منك ههه البسي شباب و عادي يعني ديمة ديري الحاجة لي من مستواه و تحسسو انو مرتاح معاك
اما يماك برهنيلها بعد زواجك بلي الصح في الهنا و فاميلتك خليييهم على رايهم يجي النهار يتشهو يكونو في بلاصتك باغسكو هوما راهم يزوخو على الناس وربي ميحبش هكذاك ماتديريهمش في الحساب ..ربي يهنيك ان شاء الله
اذا كنت مقتنعة به وشايفة بان هذا الرجل هو المناسب ليشاركك حياتك ويسعدك فيها اياك تفرطي فيه ولي بغى يهدر يهدر على روحو اما والدتك دوك تقتنع وترضى كي تشوفيك سعيدة و مرتاحة معاها ولكن نصيحة اياك تزعفيها منك حاولي ديما تشكريه وتقولها راه يحبك ويحترمك ووووو باه تلطف الجو بيناتهم
ربي ييسر لك امورك ويهنيك ويناولك لي بالك ويرزقكم من حيث لا تحتسبون
وكما قال النبي صلى الله عليه وسلم البكر تستأذن..لك الحق في قبوله او رده ومادمت ترينه مناسبا لك المال ليس مهما مهما كسب الشخص ينام في سرير واحد ويسكن بيتا واحدا وياكل في بطن واحد الزائد من المال لايجلب الا الغرور والتعالي على خلق الله والواحد مهما كسب وعاش سيلقى الله في كفن فقط فلنتعظ
وامك حاولي تقنيعها بالتي هي احسن ولا تشعريها انك فضلتيه عليهم بالعكس فليكن هو عونا لك على برها واثبات
انه هو المناسب لك وان هناك امور لايدخل فيها المال بل الخلق الحسن .
يختي متعمريش راسك المهم يكون صاحب دين واخلاق هادا مكان
ربي يهنيكم ويغنيكم ان شاء الله
بارك الله فيكي …انا تاني هذي وجهة نظري …
المهم المحبة و المفاهمة والله تعيشي احسن عيشة معاه و الدراهم خنز الدنيا …
الله يهنيك حبيبتي .و ماماك الله يهديها مع الوقت تتقبل الوضع …
