صح فطوركم
اخواتي غدا بحول الله رانا معروضين للفطور وحبيت ندير حاجة في الدار نديها في يدي وبصراحة محتاااارة واش ندير حاجة حلوة ؟؟ مالحة ؟؟ ولا مقبلات خفيفة ؟؟ يعني محتارة محتارة انا قصدت اخواتي لكي يقترحوا عليا و يدبروا عليا
نعرفكم شاطرات وتحبو تساعدونا
انا في انتظار اقتراحاتكم
بارك الله فيكن وجزاكن خيررررا
انا نقول تدي حاجة حلوة خير
اما بالنسبة للاقتراحات معنديش فكرة نتمنى الاخوات يفيدوك
نتمنالك اوقات طيبة ومتنسيش تقولينا واش درتي
انا نقولك دي معاك حاجة حلوة و الإقتراحات اللي مدوهم الأخوات ملاح لكن فيهم تعب و انت راكِ حامل يعني يلزملك حاجة ساهلة على هذا نقترح عليك هاذ الكيكة و التزيين انت و ذوقك
المقادير:
ـ 6 بيض.
ـ 10 ملاعق أكل زيت.
ـ 10 ملاعق أكر سكر.
ـ 2 خميرة الحلوى.
ـ 16 ملعقة أكل فرينة.
ـ 15 ملعقة أكل حليب. (حليب عادي مش غبرة).
ـ 3 ملاعق أكل كاكاو.
ـ للتزيين:
ـ عسل.
ـ كاكاو.
ـ كاوكاو مطحون أو نواة كوكو.
طريقة التحضير: (لا يشترط الخلط بالخلاط الكهربائي) انا خلطتها بالشوكة
نضع في صحن عميق البيض و نضيف السكر و الخميرة و نحرك مليح بعدها نضيف الزيت و نحرك بعدها الحليب و نخلط كذلك و بعدها الفرينة و الأفضل نغربلوها قبل ما نضيفوها للخليط بعدما نضيفوا الفرينة نحرك مليح و نضيف الكاكاو و نخلطوا و بهذا يكون الخليط جاهز نضعه في صينية تكون مدهونة بزيت و مرشوشة بالفرينة و نضعه في الفرن على نار 140 درجة أو 160 درجة و ما تديش وقت حوالي 20 دقيقة
كي طيب خليها تبرد و حضري الكريمة ديري عسيلة و ضيفيلها الكاكاو حتى تعقد و طلي بها الكيكة و ديريلها الكاوكاو من الفوق و لا نواة كوكو و بما أنو رانا في فصل الصيف الأحسن تحطيها في الثلاجة
هنا هاذ ليفوتو ما خرجوليش مليح
و لو كان ناخذي رائي …أشريها خير….هههههه
أنا مانصدق نتعرض باش نتهنى من الفطور هههههههههههههههههه
بالتوفيق لك
جزاكن الله خيرا حبيبات قلبي على الاقتراحات
بارك الله فيك نور الهدى لان فكرت فيا والله عندك الحق حاجة خفيفة برك المهم تاع الدار لاني مانحبش خدمة برا من الماكلة