اخواتي اولا باركولي اشترينا بيتا والفرحة قاتلتي
وان شاء الله راح نرحلولها بعد شهرين ومن شدة الفرحة بديت نجهز حالي من ضرك يعني غسلت الزرابة ولميت الحوايج الي منسحقهمش…..
حبيباتي هذي اول مرة ليا في الرحيل ونحتاج منكم نصائح خاصتا الي متعودة على الرحيل 
وجزاكم الله الجنة
حا فضى على نضافة بيتك بدون ما تتعب نضافت بيتك وترتيبه وجماله واسترخائك
وزيدي بحثي في منتدى تنظيم وتنظيف البيت يمكن تلقاي اكثر
الله يبارك الف مبروك حبيبتي تسكنوه بالصحة و العافية
راكي بديتي التوجاد .. انا نقلك مادامني موالفة مع دارنا نرحلو…
خملي الحوايج اللي متاكدة انك ما تحتاجيهم يعني فات عليهم العام و العامين و ما استعملتيهم خمليهم في كراطن كبار و حطيهم بجنب مبعد وزعيهم ولا خليهم و لا كيما تحبي..هكا يبان القش اللي تديه معاك
مازالك شهرين ابداي بالاشياء اللي ما تستعمليها
الماعن اللي مخبيين الكتب لباس الشتاء .. اللبسة اشريلها هاذوك الكابات الكبار بالمربعات و طبقيها و اسويها فيها
الكتب في كراطن و اغلقيها …و اكتبي فوق كل كرطون وش فيه لداخل حتى تسهل عليك فتحها هاذي تعاونك بزاف و انتي تحوسي على حوايجك
شوفي اصحاب المحلات الكبار على كراطن جدد و فيهم الواقي الابيض هذاك اللي يتفتت باش تحطي فيهم الماعن و دايما ابداي بالاشياء اللي ما تحتاجيها الآن..
و كيما راكي ديري اغسلي كلش و اديه جديد و نظيف و غلفي الزرابا و الفراش اللي ما تحتاجيه في اكياس كبيرة و اغلقي عليها حتى يجيها النهار اللي ترحل.. و ما تنساي ترمي فيها شوي خزامى تنحي ريحة الدس منها
و ديري في بالك رايحين يجو يهنولك و يجيبولك اكثر شي ماعن و اطقم كوزينة اعرفي الحاجة اللي ما تستعمليها كثير و لا قديمة خليها هي الاخيرة
امممم و انتي ترحلي طبعا ابداي بالحوايج الكبار موبل و اسرة و اجهزة الكتروميناج حتى تعرفي وين تحطيها و رتبيها في مكانها الجديد
اممم كاش ما نتفكر راني نجي نقولك
ربي يعاونك و بالبركة مرة اخرى
اولا الف مبرووووك رزقك الله خيره وخير مافيه وباعد عنك شره وشر مافيه
لمي لحوايج لي ماتحتاجيهمش في كراطن مع بضعاهم واكتبي في الكرطون من برا كل واحد واش فيه هكا في الايام الاولى قبل ماتانساطلي روحك ماتتعبيش في البحث عن الاشياء
انا كي رحلت لميت حوايج بنتي في كرطون وحدهم وكتبت اسمها عليه وحوايجي في كرطون وحوايج راجلي في كرطون مع كتابة اسم كل واحد هكا باه تسهل عليا مهمة البحث في الايام الاولى يعني حاولي تكوني منظمة في لمان حوايجك باه تسهل عليك عملية الفريز من بعد
وطبعا بلا ماننساو الماعن لازم يكبليهم في جرنال مليييح باه مايتكسروش
مبروووك مرة اخرى ولعاقبة لكل واحدة مازالت في الكراء
ما عنديش فكرة علي النقول حبيت نباركلك
وشكرا على النصائح يا اخواتي