عيدك مبارك و كل عام وانتم بخير
كنت حابة نطرح هذا الموضوع بصح معرفتش وين ان شاء الله منكونش غالطة
انا نحوس على خدمة كبائعة في محلات للملابس او مكتبة او ايي شيء المهم خدمة نظيفة حشمت من ابي كل 15 يوم نقوله اعطيني نشري دواء و يوم بيوم نخلص الطبيب 1000 الف والله عيت حابة ندير مصروف لروحي رجعو الدراهم ما يكفوش و حشمت منه كي نروح للطبيب يوم نخلص و المرة ثانية كنترول و الثالثة نخلص يعني في السمانة من 2024 الى 3000 الف و عندي راديو حتى الان ما درتوش و ديمة الدواء نتعطل باش نشريه ضرك راني تقريب 10 ايام خلاص مزال ما شريتوش والله تبهديلة حاسة روحي ثقيلة عليهم انا لوكان ماشي عالمرض منخدمش بصح الله غالب ..حبيت منكم اذا وحدة عندها زوجها او خوها او هي عندها خدمة تشوفلي عندها و بارك الله فيكم ..ا
اسمحيلي هنا نور راني مقصرة في حقك
اختي ربي يشفيك
و ان شاء الله يفيدوك الأخوات
الله يخليك اختي تعيشي
نتمنى من اخوات يفيدوك
ربي يحفزك تعيشي اختي
ربي يفرج عليك وعلى كل مبتلي
حبيبتي عمرك ماتقولي راني حشمت من ابي هو بلاك كي يسمعك تحوسي على خدمة يزعف عليك وكفاش تخدمي وانتي راكي تقولي راني مريضة حاولي ديري بطاقة باش ترفدي دواء باطل كما راهم ناس دايرة ريسيرونس هاك تقدري تشري وهوما يردولك
ربي معاك ويخليك ابوك
اكثري من الاستغفار
حنا مرينا بوقت صعيب بزاف محبيتش نحشم ابي باغسكو هو ثان خسر عينه دار عملية لشبكية و صار فيها ميكروب وحد الطبيبة قالت بلي الطبيبة لي دارتلو عملية قطعتلو العروق و ضرك عينو دخلت كااااامل و تخمضت و انا عندي بقة في عيني و الدواء غالي شوي و عدنا بطاقة بصح مع ذلك نشريه غالي ابي خسر تقريب 40 مليون عملية و دواء صدقيني اختي مزالها في الدار ساشي كبيرة انتاع الدواء لي كان يدير فيه مرينا وقت صعيب و اكيد نحشم منو منحبش نحشمو وانا الحمد لله عيني توجعني شوي بصح ماشي خطرة حبيت نعالجها من ضرك خير من كي نكبر ترجع حاجة ثانية الله يسترنا