إستفسار 2024.

مساء الخير

خواتاتي بغيت نسقسيكم على الرغايف واش هوما بزاف نسمع هد الكلمة في الشرق الجزائي وكذلك في المغرب

مي ماعرفتهمش واش هوما

ممكن توضحولي و تعطيوني طريقة صنعهم

السلام عليكم
مساء الانوار
انا من الشرق و احنا نعملو لغرايف ماش الرغايف ماعلاباليش اذا كنت تقصديهم هوما نفسهم بصح هاذي اكلة كاين اللي يسميهم البغرير و كاين اللي يسميها القرصة و هاذي صورة تاع لغرايف

و الطريقة انا نسختها من موقع اخر و اذا وفق ربي و عملتو نصورو و نحطلك طريقتي انا
البغرير أو الغرايف أو القرصة الجزائرية
القرصة عند القسنطنيين أو الغرايف أو البغرير الجزائري:
المقادير

كيلوسميد متوسط –

لتر ماء دافئ –

04 بيض –

04 خميرة كيميائية/ بيكن بودر –

ملعقة خميرة الخبز –

سكر أو عسل –

سمن بلدي أو زبدة –

ملح .

الطريقة:
يعجن السميد و الخميرةالخبز مع الماء بطريقة التقطيع و يضاف الماء قليلا
قليلا مع العجن حتى نحصل على عجينة سائلة مثل عجينة – الكريب – أو القطايف
ثم يضاف اليها البيض المخفوق و الخميرة الكميائية بدون تخمير تطهى في إناء
غير لاصق وعند النضوج والانتهاء من كل الكمية تسقى بالعسل و السمن

شكرا لك أختي أمة الله خولة لالا ماشي هدي هدي حنا نقولولها البغرير وكاين لي يقوللها خرينقو

كاين وصفة أخرى والله أعلم

شكرا لك أختي لؤلؤة

أنا شفتها مقطعة مثلثات و معسلة و مرشوشة باللوز

هدا مسمن معمر نعرفو

سمحولي عدبتكم معايا