أرواحو نحتاجكم urgent 2024.

كي كنت

كنت نحلم ب الجيريا

و مبعد كي كبرت لقيتو و هربلي الجيريا

و مبعد عاودت حكمتو الجيريا

وراني فرحانة الجيريا

و قولو ماشاء الله
المهم حبيتكم يالبنات تدبرو علي
راهم جايين يديرولي الخاتم
ناسي من الشرق و أنا من الغرب
نهار يجو يوصلو على 10 تاع الصباح نحطولهم قهوة يعيشكم رايو علي واش نحطلهم comme gâteaux
و مبعد على 12 نحطولهم الفطور je veus des rectttes تاع قمنة
و مبعد هو يديرلي الخاتم و نقطعو la piéce هنا esk نزيد نحط قهوة و لا غير الباتيسري و les jus يكفي

و انا حبيت نلبس قفطان mais ماما قاتلي الصباح مين يجو لقايهم بقفططان و العشية كي يديرلك الخاتم البسي une robe soirie
و شعري ندير و une coupe simple ;eو لا chignon simple
و الله غير راني جد حايرة أرجو المساعدة
ومتنساوش les models et les recettes

hahahahha 3ajbetni histoire , mabrouk 3lik hanouna, w nchallah rabbi yhanik m3a https://im34.gulfup.com/Xhjxi.gif lol
bon ana nahkilek 3la choufa te3i, pske ana melgharb w houma melwest,
bon weslou hadi 11:30
chwiya hatinelhoum leftour, derna chorna, tajin zitoun, felfla tchekchouka, ber9ou9,salades w les fruits
w aprés aprés salet ljoumou3a hatinelhoum l9ahwa w latey w l gateau, derna mkhabez, ma9rout la3ssel, ma9rout louz, w wahdakhor te3 diyoul
w parés deretli om l3aris lmousta9bali lol lkhatem mais te3 choufa machi te3 fiançaille, w zaghartou, w rahou, maga3douch bezaf,
w pour lebssa, ana ghir choufa berk, lbest une jupe w tricot w melfou9 bolero te3 RICH kima te3 l3atroussa, hahahha pske man hadek nhar li chef fih les photo rahou y3ayetli 3atrousti lol
w mchet normal, dert degradé w salem baba bahri, w chahiya tayiba

nchallah lebnet yfidouk plus, ah ana rayi men ray mamak, fi debut elebssi un caftan mais machi chargé,w parés diri une robe de soiré
w mabrouk 3lik merra okhra hbiba

اختي ربي يهنيك
شوفي الصباح اعطيوهم المشروبات
و انبعد الغذا من الافضل اكلات تقليدية تاعكم
ثم القهوة مع القاطوا ثم la tarte و les bagues
حنا تاع الشرق نديرو الرفيس و اللبن
مانعرف انتوما واش اديرو
و كيما قالتلك ماماك البسي الصباح قفطان خاصة اذا كان خفيف
و العشوة طبعا robe de soiree
و من الافضل القطو اديرو 2 مع القهوة و تفرقوا les boites ، وتاع القهوة مثل مقرود و حاجة معسلة قريوش و الا صامصة …
طبعا اذا حديرو خطبة كبيرة
احنا في عنابة نعملو هكا
و شعرك ماتحليهش الصباح مع القفطان
مع la robe خير لانو قادرة تمدي حاجة تتحركي يقلقك
لازم يشوفك تبوجي باه يقولو فحلة هاهاهاهاها
الجيريا

:strawberrycake _by_C الجيريا

:5249301313084126 51: الجيريا

:953643Suspe nsions_n الجيريا

:dessert_by_Ch ibivil

انا من الشرق ورد راح يكون نفس رد ام الف
ربي يكملك

مبارك عليك يويويويويويويويو يا الخداعة هههه
المهم مدمتي من الغرب ديري عادتنا أحسن
شوفي كي يوصلو اكيد يحتاجو مع يقعدو ريسانهم بعد سفر طويل هههه حطيلهم قهوة و قاطو
منبعد فطور اكيد حريرة طاجين زيتون برقوق بصح على شكل ديسار فقط متمرقوهش بزاف ههه فلفة اذا كاين عندكم ههه
بوراك
تبالي ميشوفوكش حتى يبغو يديرولك الخاتم احسن و هنا لبسي قفطان احسن هديك غوب سواغي غير خطيك منها هههه
ربي يكملك بالخير و خبريني على الجديد

ضحكتيني كامي الله يهنيك حبيبتي امين
مبارك عليك اختي فيحاء وربي يهنيك حبيبتي
كيما نصحوك لبنات
مع يوصلو اكيد يكونو تعبانين من السفر استقبلوهم بالقهوة
والقاطو والعصير
ومع الفطور اكيد طبق رئيسي انا نظن طيبو حاجات من تقاليدكم انتم احسن هكدا باش يشوفو حاجات جدد
وبعد الفطور لازم الشاي وكاش تحليه قسم الطبخ فيه بزااف روسات هايلين
انا انت كيما قاتلك ماماك استقبليم بقفطان شباب واختاري لون يكون مليح على حساب بشرتك
هدا بواش قدرت ننصحك حبيبتي
الله يسهلك ويكملك بالهنا والخير
بصح شدي فيه مليح ليزيد يهرب هههههه

حبيبتي فيحاء مبروووووووووووووووووووووووووووووووووووووووك عليك فرحتيني ربي يكملك و يهنيك ان شاء الله
بالنسبة في الوقت لي يوصلوا فيه يحتاجوا قهوووووووة سخووونة مع قاطوا اذا حبيتوا حطي 2 أنواع برك و من بعد راكي تكملي لخرين
و من بعد يريحوا يجي لفطور و من الأحسن ديروا حاجة تقاليدكم و هنا نوافق اختي بسمة هكذا يتعرفوا على تقاليدكم و لكم الاختيار
مع لعشية ديروا قاطوا في لي بوات وزعوهم مع الباتيسري و جو فيها براكة
و من جهتك انت يا عروستنا من الأفضل متخرجيش حتى يولي وقت الخاتم اخرجي قبل بوقت شويا علاه تخرجي من الصباح و يشوفوك و تريحي و تبدلي و تتعبي سيرتوا رايحة تمشطي
هكذا من رايي انت تروحي تمشطي و تلبسي قفطان شباب حتى سامبل نورمال مع المكياج و لا كواف تخرجي هايلة و يلبسوا الخاتم و اذا في عادتكم لازم تخرجي هاديك حاجة اخرى يبقى الرأي من راي الوالدة
و رانا في انتظار تخبرينا كيفاه فاتت رانا نموتواااااااااااااااااااااا نقرعجوا هههههههههه
ربي يهنيك حنونة

عندها الحق يماك ألبسي قفطان منين تستقبليهم وبدلي روب وقت الخاتم
ما ينفعش تلبسي الخاتم بقفطان عندنا في الوسط ما نعملوهاش بقفطان
وربي يهنيك حنونة

موضوع رائع

اترك تعليقاً إلغاء الرد