آلام الولادة؟؟ 2024.

هههههههههههههه و الله موضوع مليح باينة راك خايفة من درك انشاءالله خير
لكن نقولك لم توضع الجنة تحت اقدام الامهات من عدم………
الام الولادة غيـــــــــــــــــــــــــــــــــــــر الام الحيض لمن تعرفها
انا مريت بهده التجربة مرتين و تاكدي انك تقولي في وقتها من زيدش نعاودها(على فكرة قريت انه الي يقول مثل هدا حرام)
انا المرة الاولى تاعي قلت منزيدش.وعلاش الي تتزوج لازم تولد كون غير جيت راجل خير وطبعا كلها من الالم لكن بمجرد خروج الجنين يزول كل شيء اما ولادتي الثانية فكانت غير شكل مع انه نفس الجنس دكر لكن كان الم من نوع اخر بارد اما ادا دربتي حقنة زيادة الالم مانحكيش خير.
ان شاءالله تكون كل الولادات ميسرة خفيفة و ساهلة و ترجع كل ام لصحتها فرحة بمولودها الدي انتظرته مدة 7-9 اشهر.

موضوع جميل حببتي كثير من البكريات يفكرن بهاجس الولادة وألامها

لكن في الحقيقة هي مرحلة قصيرة مؤلمة نوعا ما لكن في نفس الوقت هي أجمل مرحة في حياة كل أم

صدقيني حببتي أنني أحب الولادة لأنني أتالم فيها

حتى أشعر بحلاوتها

كم جميل و أنت تحت رحمة الله سبحانه وتعالى و أنت تناجيه وتدعيه

ييسر ولادتك ويسهلها

في األأخير تتوج بأحلى مولود في الكون بمجرد رؤية قرة عينيك

تنسي كل ما جرى بلمح البصر

وحتى تكون ولادة طبيعية وطلق سهل وغير مؤلم نوعا ما

عليك بأكل التمر في الأيام الأخيرة من الولادة + المشي الكثير+ التنفس في لحظات الطلق مع جلوس القريفصاء راح يساعتك كثير في الولادة

وفي الاخير لاتخافي حببتي من الولادة فهي مرحلة أكثر من رائعة صدقيني تكسبين الأجر من خلالها.

أنا ولدت مرتين و اجهضت مرة
مي واش نقولك نولد 10 مرات و ما نطرحش مرة
آلام الإجهاض لا توصف بأي وصف (ربي يبعد على كل حامل هم الإجهاض)
أنا المرة الأولى ولدت بـ forceps كانت صعبة و مؤلمة كثيرا
حتى أنني اضطررت لعمل عملية جراحية بعدها بأشهر اثر تمزقات حدثت لي
رأيت خلال هذه الأشهر عذاب لا يطاق صدقيني و آلاما لا تضاهيها آلام
كل هذا و نفسيتي المحطمة بموت أمي الغلية رحمة الله عليها في هذا الوقت
حملت بعد 4 سنوات و فقدت الجنين و الألم كان أكثر و أكثر
ثم حملت للمرة الثالثة و كان عندي توأم فقدت واحد و نجى واحد الحمد لله (منذر)
و كانت ولادة ميسرة و الحمد لله
و أنا الآن لا أفكر أبدا في الإنجاب ثانية
بنتي و ولدي قرة عيني و الحمد لله (ربي يحفظهم و يخليهم)

اللي كتبتو كامل راح لي عودة ان شاء الله و نعاود نوصفلك تجربتي

السلام عليكم
غير من قبيل كنت نهدر مع عجوزتي قلتلها كيما اليوم راني في السبيطار نتوجع بولادي التوأم العام اللي فات يعني في الليل يديرو العام سبحان الله الايام كيفاه راهي تجري
المهم اختي ماعنيش خبرة كبيرة في الولادة ولدت مرة و ان شاء الله نزيد رغم الالم باش نزيدو من امة محمد و يحرروا اولادنا القدس ان شاء الله
الام الولادة اضعاف مضاعفة من الام الحيض مارهوش سائل رايح يخرج حاشاكم هذا راس عبد و روح رايحة تخرج المهم كل ماتقرب ساعة الولادة الالم يزيد و احشاءك تحسيها رايحة تتقطع و ظهرك يستر ولكن…
حبيت نقولك اجمل واحسن احساس والله. هذي هي المرأة كون ماجاتش المرة تقدر عليه ماعطاهولهاش ربي كون جاء يقدر عليه الراجل راه ربي ماخلقش حواء من ضلعو و هو راقد. ربي يحب الخير لعبدو و كون مافيهش الخير ماعطاهولناش. سبحان الله راهي الجنة تحت اقدامك و لوكان تموت المرأة وهي تنفس تموت شهيدة. مهما يكون الالم ماراهوش كيما نتاع الاخرة. ياحسرااااه كون ماقدروش عليه الاولين رانا ماكانش و هذي سنة الحياة. فكري اثناء الالم باليجابيات نتاعو ماتبقايش تتفكري فيه مهما يكن اذكري ربي و كل مايزيد الالم استغفري و ادعي و استنشقي الهواء مليح و ماتعيطيش باش تبقى عندك القوة والله ماتقدري تاكلي لا تشربي كي يقوى الالم و يقولو الام الذكر مختلق على الانثى و يقولو البكر هي اقل الام من اللي جايبة لكن طول في الزيادة كيما كنت نتوجع المرة الليي تجي بعدي تولد و تروح و انا مازال قريب يوم. المهم الاهل و الاحباب جاوني و راحو وبقيت وحدي مع الالم معايا غير ربي. اذكري ربي يذكرك و يتبلهى بيك قدام الملائكة و يقول عبدي صبر اكتبوه مع الصابرين.اييييييه ابقاي تفكري راهي فترة صغيرة و تتهناي من الثقل صبرتي تسع شهر امالا كملي لحظات صغير و تتهناي و تشوفيي ياعمري البيبي قدامك. وكي تطلعي على الطاولة اصبري مهما كان الالم لأنك خلاص مابقش دقائق و تتهناي ادعي و عضي على روحك و بعدها يخرج البيبييييييييييييييييييييييييي
الحمد لله مبروك عليك
تخيط القابلة و ياربي على الالم لكن لحظات وتتهناي اصبري و خلاص و ربي يطيحك في قابلة بنت حلال
اااااااااااااه و مبعد تروحي ترقدي و ترتاحي واحد الراحة و كأنك كنتي فيي كابوس راحة هايلة و احساس جميل و كأنك راكي مرتاحة في الجنة سبحان الله ترقدي رقدة مافيهاش حلم تالمو التعب. ياعمري على هذاك الاحساس و لا أروع ربي يرزق كل بنات المسلمين ازواج صالحين و ذرية صالحة و يعطيهم الاحساس الجميل نتاع الولادة و تهنأ عينهم كي يشوفو قرة عينهم قدامهم يبكي وااااااع وااااااع واااااع
ان شاء الله نكون اعطيتك صورة و لو صغيرة و لكن نصيحتي مهما سمعتي و تصورتي ماش كيما تجربي كل واحد و جسمو و طاقتو وصبرو. سلااااااااااااااااااام