يومياتي مع جارتي العزيزة 2024.

جارتي كل يوم عندها خرجة جديدة و اليوم الجديد تاعها حبت الكود تاع الأنترنت لما رفضت نعطيهولها و كذبت عليها انو ما خلصناش و ووو قاتلي راح نشارك معاكم في الخلاص و نعطيك نصف المبلغ و بعدها راح نشري pack ويفي و ما يشقاش تخلصي….مخي توقف عن التفكير و حرت كيفاه نجاوبها صماطة حتى الحد غلقت الباب و راسي يطلع و يهبط ناس ماتحشمش واش لحقنا نطلبو الانترنات بالقدر …و الله حرت ….

ربي يعينك اختي
رفضي طلبها وخلاص

هههههههه كيما قالتلك بدرة بالاك تشوف فيها نورمال واذا تقدري علاه لالا تربحي فيها ثواب ههههههه وانت ادرى
هاذا رايي

ربي يعينك ختي

كاين اللي يشوفها نورمال وكاين لا بصح انا كي نقدر نعاون ما نقولش لا وانت جارتك والفتيها تطلبك ضرك كي تقولي لا مايعجبهاش الحال المهم حاولي تبتعدي بالقدر وديري الشيء اللي تقدري عليه فقط

حنا دايرين الويفي وعطينا جارنا دار كارت ريزو ولا يقبط معانا وعندو ولادو يباتو يشارجوفي سيديهات وحنا تقلت عدنا
ومابقيناش نخدمو بيها مرات تروح وشحال من مرة جاو صحاب النت خدموها حتى واحد قال راجلي نضن كاش واحد راه مديها ليك اكتشفنا ان جارنا يعرفو عفسة حتى هاد الايام قطعناها عليهم ودرنا مود باس يالحبيبة بدرةانت جاتك نورمال بالحق الناس ماكتحشمش

قوليلها زوجي مايبغيش أنا بعدة ماجتنيش نورمال كاين شيئ صوالح ماينطلبو مايتسلفووووووو سبحان الله كل حاجة عندها حدوووووود حصلي في زوجك باش ماتحقدش عليك………. قالووو نااااس زمان ديييرها فرجالْ ولاَ ترجَاهاَ وديييييرْهاَ فنساءْ ولاتنساَ هاَ