عزيزتي وزني ذهب عندي تقريبا عشر ايام الصباح و في الليل احس بالغثيان و بعد ولات حرقة وغثيان يوميا بصح
بعد كي ناكل تروح
بصح اليومين هاذو نوض بيها و حتى في النهار نحسلها ومابقاتش غير حموضة راني نحس صدري الكل فيه حرقة
وايضا الحرقة وصلت قريب فمي من الداخل ..ماشي نحس بيها في فمي لكن في الحنجرة
وحتى صدري نحسو ضيق وساعات نحس التجشؤ اعزك الله
شربت البارح rennie وبعد بفترة شربت bedelix مرتين في اليوم
ماعلاباليش وشنو الاسباب تاعها واش تنصحيني
واذا لازم نروح لطبيبة نروح gastro ou interniste
شكرا ليك مسبقا يا اختي و ربي يجعله في ميزان حسناتك
نحن في انتطار حبيبتنا وزني ذهب
على كل ربي يخفف عليك بصراحة لازمك تشوفي طبيبة أحسن
و أختنا وزي ذهب ان شاء الله تكون بخير لكن نظنها غايبة
لست أدري ان كنت بالحمل ام لا
لأني أعاني كذلك من هذه الحموضة
قالتلي طبيبتي حاولي تتعشاي بكري اذا لزم الحال حتى وقت المغرب
جربت انو حموضة القارص و الطماطم و الخل كلها تزيد عليا الحال و حتى كثرة التوابل
تخيلي أصبحت نتعشى أحيانا بحبة خيار بدون أي اظافة أو نتعشى بسلطة خضراء
المهم أني في الليل نبتعد عن كثرة التوابل و الحلويات خاصة الشكولاطة
و نرقد مهنيا ، بعيدا عن النار و الحريق لي أحيانا نبكي من شدة الحريق
بالشفاء عليك وخيتي.
وحتى ان كانت حرقة فقط فان لم تعالج تصبح شيء اخر ان شاء الله غير الخير
اخبرينا بالجديد شفاك الله
لا حببيتي ماعنديش مشكل في القلب راهو عندي 15 يوم من اللي شفت طببيبة قلب و لقاتو قاتلي كي الساعة
و الحمد لله ..وصح سقستني اذا عندك حموضة او لا قلتلها لا
بصح عندي un souffle من بكري عندو ظرك 11 سنة بصح قاتلي شوية برك نورمال
وحذرتني انو لازم ناخذ مضاد حيوي قبل نزع او معالجة الاسنان
شكرا على المعلومة ..وصح سبحان الله كلشي متعلق ببعض في جسمنا
وكي شفتي الحريق كل يوم و غثيان و فقدان شهية شكيت في روحي و رحت درت التست هههههههههه
بصح في الحقيقة مانيش بالحمل
انت ربي يشفيك يالحبيبة و اصبري على الحريق ..علابالك قاتلي اختي باللي جربت عشبة الضرو
ممتازة لحرقة المعدة ..هي جربتها و نفعتها من الخطرة الاولى
قاتلي هرسيها و فوتيها بالماء او ديريها في الياوورت
راني قلت اليوم يجيبوهالي ..يعني غدوا ان شاء الله يدبروهالي و نديرها باذن الله
وانت سقسي اذا تنفع للحامل
وكانش جديد معايا راني نقولكم
صراحة انا ما نحبش نخلط في الأدوية خاصة و أنا بالحمل
و الطريقة لي راني نتبع فيها الحمد لله مريحتني
غي كي نتشهى شيكولا و لاّ كاش ماكلة خاصة في الليل نخلصها غالية
ربي يخفف عليك حنونتي
ربي يشفيك يا حبيبتي و الفايدة في الحمل يكون بصحة و انت تكوني بصحة جيدة
شكرا على نصايحك و على دعوتك
وربي يرزقك اخ او اخت لاسراء تفرح بيهم