واش راكم يالفحلات
جالي في بالي نسقسيكم واش تشريو في رمضان او قبل تجهيزات رمضان
يعني تشري قدور جدد والقضيان واش هو اهم برقوق مشماش هههههههههههه واش
انا عن نفسي مانيش من النوع الي يشري قبل رمضان عادي واش نحتاج ننزل نجيب بصح حبيت نسقسي ونشوف
ههههه
بنسبه لتغير نتاع الاواني وقدور هههههههه عادى الا صحون الي ناكلو فيهم نغيرهم فقط
انا بلاك اليوم نهبط نشري قدرة لان طيش القدرة نتاعي تحرقلي الفريك هههههههههههههههههه خاطري في نتاع الفخار وخايفة تتكسر بلخف
نور الياقوت ياك نتي من الغرب
أهل غرب الجزائر وكيما نعرفهم وأنا واحدة منهم نديرو حالة في التوجاد لرمضان واستقباله
هناء انا مانعرفش الشرق الجزائري بزاف وعاداتكم في رمضان
ولكن نعرف أنو كل الأمة الإسلامية توجد لهذا الضيف الغالي كل واحد وعاداته وتقاليده
أنا شخصيا نشري قبل رمضان كل مايخص رمضان
التوابل الزيت الدشيشة التون وصوالح لورداف البرقوق المشماش الزبيب طماطم مصبرة………
كي نتفكر نقوليكم لأني مازال ماشريتش
الماعين
نشري كانش حاجة الي نكون محتاجتها وماعنديش أوتكسرت أوعجبتني في المحلات
وكي يدخل رمضان نجبد أحسن سارفيس عندي
أنا عن نفسي نشري قبل رمضان بعد المشتريات إلي نتسحقها
الطماطم المصبرة المايونيز الخردل الزيت أوراق الديول التونة المايس واش ثاني واش ثاني …
كي نتفكر نقوللكم
إيه نشري بعض التوابل الخاصة كيما حبة الحلاوة النجمة زريعة البسباس ….
أما فيما يخص الخضر نشري كل مرة على حساب ما نحتاج
غير اللحم نشري من قبل الدجاج نغسله و نقطعه و نجمده
أما لحم الغنم نشري أول بأول
فيما يخص المواعين
ما نشريش غير إلا كنت محتاجة أو تكسرلي نوع كالمول للفلان أو أي شيء آخر
لكن ما نشريش إلا كان عندي
و في رمضان نجبد أحسن الأطباق
سارفيس أ كافي الشباب
سوبيار الشابة إبلي عندي
أجمل الأطباق و الصحون و الغرفيات
المهم نقلش روحي و نقلش عائلتي في هذا الشهر الكريم
تقبل الله منا و منكم صالح الأعمال
وأعاننا على ذكره و شكره و حسن عبادته
اللهم بلعنا رمان و ارزقنا حلاوة الصيام و القيام
قولوا آمين
بصح انا معجازة مانحبش نتسوق خاصة بعدما جات بنتي رنا نكره السوق اما الناس كيف كيف والله مش مخليين حلاويات شامية وحلقوم وكل شي لسهرات واكلات رمضان
رانا مشهورين كلشي يبدل
قبل ما يبدى رمضان نقو الكوزينه قبل ونخبو كلشي قديم ويشرو كلشي جديد و بنسبه لحوايج نتاع ماكلة يبداو من التوابل حتي اخر شي وهو كوكاو واللوز و عسل باش يصنعو الحلويات لرمضان مثل البقلاوة و مقروط وغيرها
مي حنا في دار المشكل كي جيب ابي حوايج مثلا الزيت يشري نتاع 5 لترات حتي الان ناقصه بلاك منها لترا ايا علاه نعاود نشري 
والزبيب وبرقوقه نفس الشي وتوابل تاني
بلاك كاين حجات قلال يوم قبل رمضان غادى نشريو اللحم وحشاوش وخضرة
و الفلان وبوراك ………….يعنى 
وهكاااااااااااااااااااااااااااا للاخر رمضان
التخمام كيفاش راح نطيب في هذى السخانه 
وخصوصا كي نتفكر العرضه
بصح كاين مشتريات تكون خاصة برمضان تشريهم من قبل أو النهار الأول في رمضان مثل الديول البهارات الحشيش كيما قلتي كذلك الفلان و المحلبي و أنواع أخرى
و المواعن أنا ضد الفكرة أني لازم نشري قبل رمضان
أنا نشري واش خاصني
لأنه في هذا الشهر تكثر فيه الأطباق و تكثر فيه العرضات
الله يعطينا القوة و يقدرنا باش نوقفوا في الكوزينة مع هذه السخانة
ربي معانا