السلام عليكم حبيباتي
لي تعرف كيف تخدم لحريرة الوهرانية تعطيني الكيفية كليتها و مازالت بنتها في فمي لليوم قالولي تجي فيها الخميرة نتاع القاطو على الاخر لي عنها الكيفية تمدهالي و جزاكم الله كل الخير
سلام حبيبتي
نتممنى الوهرانيات يعاونوك
انا نديرها هاكدا
نوجد العقدة ليلة من قبل
نتممنى الوهرانيات يعاونوك
انا نديرها هاكدا
نوجد العقدة ليلة من قبل
7 مغارف كبار فرينة+ 1 مغيرفة خميرة كيميائية+ 2 كيسان ماء و نخليها تخمر.
فالصباح وجدي حريرتك عادي باللحم و الخضرة و كي تطيب نحي اللحم و ارحي الباقي
ضيفيلها اللحم و رجعيها على النار تغلي
فرغيلها العقدة و خلطي مليح و خليها حتى تخثر زيديلها شوية كروية و قصير و قدميها
ينقل الى القسم المناسب
فكرتيني أختي في وحد الحريرة كليتها في عرس قبل رمضان من أروع ما يكون، ما علاقاش بالحريرة العادية و ما فهمتش كيفاش خدموها
لونها مايل للبني الغامق، و في الذوق veloutée و كي كليتها تذوقت حبيبات صغار دايرينهم فيها تقولي عقدة و فيها بنة حبة الحلاوة، و الله فور لحد الآن ما لقيتش وصفة نتاعها
الحريرة الوهرانية او نتاع الغرب بشكل عام نديرو الجزر بكمية كثيرة اي 5 حبات و 2 بطاطا و بصل و ثوم و القسبر و اللحم الي عندك كي يطيبو قاع هاذ الخضرة طحنيها و رديها فوق النار و غسلي التشيشة و كي يغلو مليح رميها و زيدي الرند و الحور و تكوني وجدتي العقدة المتكونة من رأس الحانوة و الكمون و الحشايش و الكروية و الثوم و القسبر مطحونين و من بعد كي تفي ديري يازير المر