مبعد كسريها واخبزي خبزات صغار بالنخالة هدي الوصفة تجي بالفرينة يعني تخبزي الخبز وترمديه بالفرينة انا عندي النخالة قلت نجربها بيها وفعلا جات هايلة لمعندوش يديرها بالفرينة يتبع نفس الخطواتتخبزي الخبزات في كمية كبيرة تاع نخالة او فرينة
وتشكلي خبزات صغار وتضغطي بيدك في وسط كل خبزةوترمديها مليح فنخالة او الفرينة
وتخبزي وتحطيها في صنية
انا دائما ادا لاحظت نرقق الخبز لانو ميحبوليش الخبز لخشين حتى ويكون مفخفخ من الداخل وخاصة زوجي يحب ياكل غير القشرة الفوقانية هههههههه
نخليه يخمر وهدا بعد ما خمر
ندخلوه للكوشة يطيب حتى يحمار ودائما كتطيبوا الخبز الفرن يكون سخون بزاف هدا ليخلي الخبز يجي طري ميجيش يابس
اتمنى يعجبكم وتجربوه ومتنساوش تدعولي وتشجعوني بردودكم الجميلة
خبز بالنخالة:400غ فرينة+100غ نخالة+15غ خميرة الخبز+15غ سكر+10غ ملح+50غ زيت ونخلط+ماء دافئ حتى تولي مثل عجينة الخبزندلكها قليلا ثم نخليها تخمر مبعد نكسرها ونشكل خبزات كل خبزة توزن350غ للخبزةنخبزها ونرشها بالماء ونرش النخالة كامل على وجه الخبزة وندير خطوط بالسكين على اطراف الخبزة
ونخليها تخمر ونطيبها في فرن ساخن حتى تحمار
