بنتي راح تخرجني على عقلي 2024.

السلام عليكم اخواتي
بنوتي الله يبارك واااااااااااااااعر ليل نهار باباها ههههههه قالي روحي غرفة اخرى روت نرقد مع ولادي وسيم عمره اقل من 5 نوات قالي اديها وروحي صالون خلنا نرقده اييييييييييييييه
ديتها لطبيب قالي لاس بها
تبكي تحب ترقد تبك تنوض ل وت حتى بسمتها هاكدى حابة نرقد نرتاح ربي يعيشكم قولولي كاش حل

ماتتقلقيش حبيبتي
حديثي الولادة دايما هكذا
انا اختي بنتها مشيبتها تظل تبكي

هههههههههههههههههههه
الله يعينك روحي علينا مالمنتدى خلينا نرقدو سكتيها علاه راها تبكي

ماتخافيش حنان نور دوك تتبدل
انا منذر كان هاكدا مي غير فات 4 شهر ماشفتش عاقل كثر منو الله يبارك
ولا يرقد على ال8 ماينوضش حتى للصباح
ديريلها تيزانة تاع الكمون تعاونك شويا
و بلاك عندها وجعة في كرشها
دريلها الخزامة فوريها و حطيها في كومبراس و حطيها على صرتها و خليها تبات بيها تنحيلها الوجعة
ربي يشدلك فيها و في خاوتها

الله يحفظها ليك ما تقلقيش الاولاد الصغار قاع يكون هكة وخصوصا من بعد النفاس يتبدلو بزاااااف

واله نعيا صابرة ومن بعد نفشل الله يصبرنا
ههههههههههههههههه زعفت شوي:0000454564 :
حنونتي ام منذر وحشتك والله انك مميزة هاد الطريقة جامي سمعتها نديرلها ان شاء الله هي عندا غازات لان حليب صناعي بارك اللهفيك حنونة ربي يخليلك ولادك ويباركلك فيهم

حبيبتي هناء دوماج ما عنديش تجربة بصح كيما قالت أم منذر الكمون مليح، خويا الصغير كنا نديرولو الكمون في البيبرو، و إن شاء الله ترقد و تريحي

شكرا اخواتي ربي يرزقكم

ربي ايعينك حبيبتي والله اصعب مرحله 3شهور الاولى بالاك راهي جيعانه والحليب ماشي مكفيهاا ربي يحفضهاا ويخليهالك انا يقين العكس 3شهور الاول منسمعش حسهاا من العشاء ترقد وتنوظ غي الصباح ومنبعد ورتلي الويييييييل عوضتني الي فات كاااااامل