السلام عليكم انا كان وليدي طاحلي كي كان 47 يوم من الكانابي وطاح على زربيه طاح في وضع السجود يعني على جبهته ويديه وركبيه وبكي شويه وسكت ورقد وناض عادي وساعاتها انا ما توسوستش على خاطر ما داخ ما تقيا ما كان حتى اثر على راسه المهم ولدي انا من لي ولدته كان ينام بزاف وما يرضعش بزاف اذا فاق من النوم يرضع صبعه كان يفضله على صدري وبقى على هاذ الحال حوالي 3 شهور يعني ما لاحظتش تغيير بين قبل الطيحه وبعدها لانه اصلا اغلب وقته نوم وبعدها بدا يرضع بزاف وينوض وظرك راه ياكل ويشرب وينوض ويلعب ويناغي ويقعد المشكل برك نحسو عصبي يبكي اذا طاحت له الحاجه ويخاف من الصوت العالي ظرك راه قرب يكمل 7 شهور وقتلني الوسواس عليه واش رايكم هل العصبيه تدل على انه تضرر ولا راني نوسوس برك
اختي اذا تصرفاتو كلها عادية ماتقلقيش ااااااااااااااه قداه يطيحوا لولاد الصغار ويحفضهم ربي يااختي ان شاء الله ما كان والوا بالصح لازم نراعوهم بكل جهدنا لانهم امانة والي يكتبها ربي هو اعلم منا بيها الله يحفظ ولادكمويسترهم
عادي اختي ما تتقلقيش ماشي من الطيحة انا وليدي عند7شهر راهو كيما تقولي يخاف من الصوت العالي مرات نعيط مع اولادي لخرين يخاف وينوض يبكي وكي نحيلو حاجة من يدو يدير حالة بالبكاء هذو هما الذراري تع ذرك .ما توسوسي ما والو وليدك راهو عادي ريحي بالك.
اختى الكريمة تهناي على وليدك لانو على حساب ما حكيتى راه طبيعى جدا حاولى تنحى الوسواس من بالك
السقوط يشكل خطر لما يحدث بعدو اغماء و فقدان الوعي او تقيأ كيما ذكرتى
اما العصبية واش نقولك فى هاذا الزمان الطفل راه كى يخرج من بطن أمو يقول بعدو منى انا عصبي
انا وليدى كى كان يخرج فى سنانو رجعلى عصبى و مقلق و و كيما قلتى على وليدك يرمى الاشياء و يحاول حتى يكسر واش يجى فى يدو
ربي يحفظلك ابنك و يبارك فيه ان شاءالله
السقوط يشكل خطر لما يحدث بعدو اغماء و فقدان الوعي او تقيأ كيما ذكرتى
اما العصبية واش نقولك فى هاذا الزمان الطفل راه كى يخرج من بطن أمو يقول بعدو منى انا عصبي
انا وليدى كى كان يخرج فى سنانو رجعلى عصبى و مقلق و و كيما قلتى على وليدك يرمى الاشياء و يحاول حتى يكسر واش يجى فى يدو
ربي يحفظلك ابنك و يبارك فيه ان شاءالله
ربي يحفظك اختي والله غير راني من الناس الحريصه بصح كتبها ربي راني عايشه في عذاب عظيم من تانيب الضمير اصلا سبت طيحة وليدي اني كنت موسوسه من حاجه اخرى وما انتبهتش اني حطيته على الشفر …ربي يستر ان شاء الله
السلام عليكم حبيبتي الامر راه عادي وانتي قلتي طاح على يديه وركابيه يعني ماتعورش و7 اشهر راه صغير ولازم يخاف وراه يسمع ويعرف وعلى هذيك ماتخافيش من ردت فعلوا بزاف اولاد راهم كما هو وهذا سن لراه فيه كل الاولاد يتقلقوا من اي حاجة كما سلفتي ولدها عمروا 4 اشهر وتلقايه يتنرفز ويعيط ولما تحكي بالهاتف وهو يرضع يولي يتنرفز زعما يقولها ماتحكيش خليني نرضع هههههههه
ربي يخليكم يا لبنات على الردود انا ولدي راه كي طاح طاح وضع ساجد يعني على جبهته وركبيه ويديه وبكي برك الحمد لله وراه انا عندي وسواس المرض عليا وعلى ولادي ربي يحفظلكم وليداتكم وولادي ويفرج همي وهمومكم يا ربي
ربي يحفظك انا ساعات نقول راني موسوسه ساعات يكبر الموضوع في راسي
ما كان حتى حاجة تقلق اخيتي.. هذا تطور طبيعي لحاجة الاكل و النوم و اكتشاف محيطو و التجاوب معاه .. و اكيد لقا بالي البكاء يجيب نتيجة سريعة مالا يستعملو بكثرة و حاولي تعوديه على الحس العالي مش قاوي ياسر كيما التلفاز و الهدرة …
خيرا ان شاء الله ما تحريش اظنه عادي وديه لطبيب وقطعي الوسواس
