اليكم مخبز الكاوكاو على الطريقة العصرية حقيقة اول مرة نجربو لكن النتيجة طلعت روعة و يجي طري و لذيذ جربوه و ان شاء الله ينال اعجابكم
ثم العسل و نخلط ثم البيض نضرب بالحبة و نضيف بالتدريج حتى نتحصل على خليط متماسك و طري نخليها ترتاح في الثلاجة مدة ساعة
بعد هذه المدة على طاولة العمل المرشوشة بالمايزينة نحلل العجينة بالحلال بسمك 5 ملم و نقطعها بطوابع( راني قطعتو شوية رقيق في السمك) من بعد نديرها في صينية مرشوشة بالفرينة و نخليها ترتاح مدة 10د ثم نطيبها في فرن ساخن مدة 10الى 15 دقيقة أي قيس مايشد روحو من بعد كي يطيب نخليه يبرد و نطليه
– للطلاء : ندي سكر رطب حوالي 500 غ + ½ لفاني+ بياض بيضة و نبدا نخلط حتى نتحصل على عجينة طبعا مع اضافة ماء الزهر بالشوية و في هذه الخطوة نضيف الملون مراد اضافته انا هنا خليتو على اللون الابيض و نخلط بيدينا بالعقل و نجمعها و هي ناشفة
ثم نبدا نضيف ماء الزهر غير بالشوية أي نحل العجينة حتى تولي كلاصاج بكثافة مضبوطة
نسكر حبات المخبز و هذا يعرف بالطلاء الملكي كي ينشف الكلاصاج نزينها بعجينة السكر حسب الرغبة انا زينتها بوردات صغيرة ملونة بالازرق
وهذا الشكل النهائي
تحياتي لكن جميعا
شهيتيني
دوك تبعتيلي حقي
الله يبارك
الله يبقي عليك الستر
حشمتيني لوكان كاين عفسة في نت لوكان كل وحدة فيكم يوصلها حقها في الحين نشكرك بزاف على ردودك الدائمة و المميزة نورتي تحياتي ربي يحفظلك بديك اختي
بصحتكم و يعطيك الصحة
هذاك المخبز الاقتصادي ممكن الوصفة و جزاك الله كل خير
وصفة هايلة يعطيك الصحة حبيبتنا اميرة الساحل على تلبية الرغبة ان شاء الله نجربها ربي يحفظك 
وان شاء الله نجربها قريبا
مشكورة على الوصفة اختي
بارك الله فيك رائع