معظم الصور حصرية للمنتدى وهي لقريبات لي وبعضها لي
فلا احلل نقلها لمنتدى اخر
ولا يمكن رؤيتها الا بعد الرد
شكراا لتفهمكم…[hide]
.
.
.
بعد الخطبة تجي مرحلة عقد القران
عندنا نسميوه العقدوهنا تلبس العروس تايوروكاين الي يحب يروح بالتقليدي
[IMG]https://t1.gstatic.com/images?q=tbn:ANd9GcRS_fPPl9W6-1BjeKvwZT2gbenRA4N_PFZI_aBd_KKbF-9wDGFeVw[/URL]
وبعد الانتهاء كل واحد يروح لداره وفي المساء يجيو افراد من عائلة العريس (نساء) يجيبو معاهم عشاء العقد ويشربو قهوة عند اهل العروس
.
.
.
نجيو لنهار العرس
العرس العنابي يبدا من الساعة13 ظهرا
يتوافد معازيم العروسة الى صالة الحفلات فرادى وجماعة
وعنابة فيها ماشاء الله من صالات الافراح وحتى الفنادق
اما الموسيقى فهي تختلف تماما عن باقي الولايات.لانه عنابة مشهورة بالفقيرات بتسكين الفء والياء وهن عبارة عن مجموعة من النسوة يغنين بالبندير و الدف وغيره اغاني تراثية وهدا روووعة من بعد مع التصديرة
من بعد
حوالي الساعة 16
ياتي اهل العريس في كورتاج
ويستقبلون بالرحب والسعة
بالورود التي تحمل بوقالات
وبعدما يشربو العصير والقهوة وياكلو الحلويات
يكون حان وقت التصديرة
التصديرة العنابية تبدا باللون الازرق الفاتح ضروري وحتى النساء اللاتي يرافقن العروس (الخراجة تحها) يكون لابسين هدا اللون ويفضل يكونو عرايس جدد هوما تاني الا ادا كانو مش عنانبة طبعا.واحدة من اهل العروس والاخرى من العريس حاملين الشموع طبعاااااما العروس فيكون مغطى وجهها …واخترت لكم تصديرتين لهدا اللون
تحني للعروس واحدة من اهل العريس امه او جدته او اي امراة كبيرة و احيانا الماشطة نفسها بعدها يكشف عن وجه العروس الي كان مغطى طوال وقت الحنة ومن بعد يوريو ما احضره العريس لعروسته من دهب وكان لفترة مش قصيرة يوريو الملابس ايضااا.فيما يخص الدهب عادة العنابية تحني على مقياس او محزمة او مسايس
تاتي المرحلة الي بعدها …..الحنة
وهي رووووعة وكل مرة مودال جديد….
بالرغم من ان العروس حنات ليلة من قبل في بيت اهلها
من بعد تقف العروس بمساعدة الماشطة
وهده
يفضل تعمل ماكياج خليحي يتماشى مع كل التصديرات والي حابة وعندها الوقت تبدل الماكياح مع كل تصديرة
[/hide]
[hide]
[/hide]
بالاضافة الى خاتم العرس[/hide][hide]
[/hide]
[hide]
او هدا
وتقطيع تارت الزواج وتوزيعه على الحاضرين…
[/hide][hide]
عادة ماتخرج العروس من بيت اهلها تحت يد ابيها او وليها…
حبيت هدا بزااف بكل بساطته
بلا ماننسى العريس
التسريحة سامبل لتتماشى مع الفستان…
[/hide]
الشيء الي ممكن يكون غريب عند البعض انه العروس يوم عرسها مش شرط تلبس في التصديرة ملابسها ممكن تكون جميع الالبسة تع الماشطة
وممكن تخلط تلبس وحايد تحها والاخرين تع الماشطة
******
في عنابة الصباحة يعملوها اليوم الي يلي العرس وممكن تتعمل في ثالث يوم او بعد انقضاء شهر العسل (ايام العسل)
كل واحدة وظروفها وخياراتها
وتلبس تايور وتكون بكامل اناقتها
وتروح مع زوجها لبيت اهله
ولازم توصل قبل الغداء والناس كل يكونو مترقبين وصولهما حتى الجيران هههه
واول ماتضع رجلها اليمنى باب الدار تستقبل بالزغاريد
ترتاح شوية وتتغدى مع كامل العائلة بغداء حضر خصيصا لهما
ومن بعد ترتاح وتحضر روحها للتصديرة
يجيو اهل العروس لنفس البيت وام العروس تجيب معاها الحلويات والقهوة والحليب والسكر والرفيس واللبن
بلا ماننساو فاليزة العروسة
اهل العريس يكونو عرضو المقربين لهم لهدا اليوم من الاهل والجيران
وهنا تبدا التصديرة العروسة تلبس على الاقل 7 لبسات كاملة مع كل مستلزماتها وهدا كله بالترتيب يعني مش على كيفك انت مقيدة
تبدا بالوردي فالازرق ثم الابيض ثم باقي الالوان
يعني الفاتح اولا ثم القاتم
واخترت لكم هده التصديرة
يطيبوها ويسربيوها مع الحلويات ومن بعد يقدم الرفيس مع اللبن
في اخر لبسة تع العروسة وهي الاثقل يؤتى بدكر من اهل العريس باه يحزم العروسة
وهنا يعطي للمراة نقود وهي تعطيلو هدية كانت حضرتها قبلا
ثم يرقص الجميع ولو تكون العروس مسافرة تعطي في نفس اليوم هداياها لاهل العريس…
من بعد تلبس لباس اخر حسب دوقها وتودع اهلها وتبدا حياتها الجديدة
نتمنى
للجميع المتزوجات والعاقبة للعازبات
عدرا لقيت خلل من قبل فلم استطع التكملة الان
لي عودة للاضافات الاخرى وتكملة الموضوع
انتظروا بقية الصور
[/hide]
عادات وتقاليد عنابة روعة و مكانش كيفها منتظرين التكملة
حبيت نقلك برك الصور مش باينة لفوق
سبحان الله كل منطقة وعاداتها
