مشاركتي في مسابقة اجمل تصديرة 2015

الجيريا
عادات العرس العنابي تختلف عن عادات ناس العاصمة والغرب وحتى ناس الصحراء في الكثير من الامور

وحبيت في موضوعي هدا نبرزلكم اهم هده العادات
معظم الصور حصرية للمنتدى وهي لقريبات لي وبعضها لي
فلا احلل نقلها لمنتدى اخر
ولا يمكن رؤيتها الا بعد الردالجيرياشكراا لتفهمكم…

[hide]

نبدا على بركة الله بالخطبة
التي تتم بزيارة اهل العريس لاهل العروسة

للتفاهم في كل امور العرس حيث يجلس الرجال من اهل العروسين للتفاهم والتشاوروالنساء كدلك اما العروس فلا تاتي الا بعد الاتفاق طبعاا يكونو شافوها من قبل (مش يشريو حوت في البحر هههه)ويكون اهل العروس بداو بشربو القهوة الى جانب الحلويات وتلبس العروس لباس مليح مش خفيف بزاف ومش ثقيل

تع دار مش سواري وتلبسلها واحدة من اهل العريس او العريس نفسه خاتم الخطبة
.
.
.
بعد الخطبة تجي مرحلة عقد القران
عندنا نسميوه العقدوهنا تلبس العروس تايوروكاين الي يحب يروح بالتقليدي
[IMG]http://t1.gstatic.com/images?q=tbn:ANd9GcRS_fPPl9W6-1BjeKvwZT2gbenRA4N_PFZI_aBd_KKbF-9wDGFeVw[/URL]
وبعد الانتهاء كل واحد يروح لداره وفي المساء يجيو افراد من عائلة العريس (نساء) يجيبو معاهم عشاء العقد ويشربو قهوة عند اهل العروس
.
.
.
نجيو لنهار العرس
العرس العنابي يبدا من الساعة13 ظهرا
يتوافد معازيم العروسة الى صالة الحفلات فرادى وجماعة
الجيريا
وعنابة فيها ماشاء الله من صالات الافراح وحتى الفنادق
اما الموسيقى فهي تختلف تماما عن باقي الولايات.لانه عنابة مشهورة بالفقيرات بتسكين الفء والياء وهن عبارة عن مجموعة من النسوة يغنين بالبندير و الدف وغيره اغاني تراثية وهدا روووعة من بعد مع التصديرة
من بعد
حوالي الساعة 16
ياتي اهل العريس في كورتاج
ويستقبلون بالرحب والسعة
بالورود التي تحمل بوقالات
الجيريا

الجيريا
وبعدما يشربو العصير والقهوة وياكلو الحلويات
يكون حان وقت التصديرة

العروسة العنابية ابدااا ماتمشي وحدها.تكون مرافقتها امراة نسميوها الماشطةهي الي تلبسلها وتمشيها في الصالة وحتى هي الي ترقصها وتعرضها على العراضة

التصديرة العنابية تبدا باللون الازرق الفاتح ضروري وحتى النساء اللاتي يرافقن العروس (الخراجة تحها) يكون لابسين هدا اللون ويفضل يكونو عرايس جدد هوما تاني الا ادا كانو مش عنانبة طبعا.واحدة من اهل العروس والاخرى من العريس حاملين الشموع طبعاااااما العروس فيكون مغطى وجهها …واخترت لكم تصديرتين لهدا اللون

الجيريا

الجيريا

تحني للعروس واحدة من اهل العريس امه او جدته او اي امراة كبيرة و احيانا الماشطة نفسها بعدها يكشف عن وجه العروس الي كان مغطى طوال وقت الحنة ومن بعد يوريو ما احضره العريس لعروسته من دهب وكان لفترة مش قصيرة يوريو الملابس ايضااا.فيما يخص الدهب عادة العنابية تحني على مقياس او محزمة او مسايس

هنا واضح انه الي بجنبها واحدة عنابية والاخرى لا

الحداء

تاتي المرحلة الي بعدها …..الحنة

كورباية الحنة جد جميلة وللاسف مالقيتش واحدة في النات كيما حبيت

العنانبة متاثرين بالتوانسة بزاااف واغلب صينيات الحنة من تم
وهي رووووعة وكل مرة مودال جديد….
الجيريا

بالرغم من ان العروس حنات ليلة من قبل في بيت اهلها
الجيريا

من بعد تقف العروس بمساعدة الماشطة

ويدوروها على كامل العراضة يشوفوها كيما راكم تشوفو في الصورة

التصديرة الثانية اختيارية اللون

كل واحدة واش تحب كلون ومودال اخترت لكم هادو


وهده

في التصدرة الثانية يشطحو العروسة مع اهلها وصديقاتها واهل العريس طبعااا

التصديرة الثالثة والشائعة تلمساني


ويمكن تلبس اكثر كاين الي يحب الهندي
يفضل تعمل ماكياج خليحي يتماشى مع كل التصديرات والي حابة وعندها الوقت تبدل الماكياح مع كل تصديرة
الجيريا

[/hide]

التصديرة الاخيرة للبس الخاتم
[hide]

الجيريا
[/hide]
[hide]مش ثلاثة واحد فقطالجيريا بالاضافة الى خاتم العرس
[/hide][hide]الجيريا

الجيريا

[/hide]

[hide]

اخترت التونسي

او هدا
الجيريا
وتقطيع تارت الزواج وتوزيعه على الحاضرين…

[/hide][hide]

الجيريا
عادة ماتخرج العروس من بيت اهلها تحت يد ابيها او وليها…
الجيريا

وبموكب من اهل العريس الى الفندق او بيتها
الجيريا

الفستان الابيض
حبيت هدا بزااف بكل بساطته
بلا ماننسى العريسالجيريا
الجيريا
التسريحة سامبل لتتماشى مع الفستان…
الجيريا

الماكياج
الجيريا
الدهب مالقيتش واش حبيت…اخترت هدا
http://t3.gstatic.com/images?q=tbn:A…7aWtHcM8dMl2d5

[/hide]

[hide]

الصباحة
الشيء الي ممكن يكون غريب عند البعض انه العروس يوم عرسها مش شرط تلبس في التصديرة ملابسها ممكن تكون جميع الالبسة تع الماشطة
وممكن تخلط تلبس وحايد تحها والاخرين تع الماشطة
******
في عنابة الصباحة يعملوها اليوم الي يلي العرس وممكن تتعمل في ثالث يوم او بعد انقضاء شهر العسل (ايام العسل)
كل واحدة وظروفها وخياراتها

في هدا اليوم تروح العروس الى الحلاقة باه تعمل ماكياج وكوافير

وتلبس تايور وتكون بكامل اناقتها
وتروح مع زوجها لبيت اهله
ولازم توصل قبل الغداء والناس كل يكونو مترقبين وصولهما حتى الجيران ههههالجيريا
واول ماتضع رجلها اليمنى باب الدار تستقبل بالزغاريد
ترتاح شوية وتتغدى مع كامل العائلة بغداء حضر خصيصا لهما
ومن بعد ترتاح وتحضر روحها للتصديرة
يجيو اهل العروس لنفس البيت وام العروس تجيب معاها الحلويات والقهوة والحليب والسكر والرفيس واللبن
بلا ماننساو فاليزة العروسة
اهل العريس يكونو عرضو المقربين لهم لهدا اليوم من الاهل والجيران
وهنا تبدا التصديرة العروسة تلبس على الاقل 7 لبسات كاملة مع كل مستلزماتها وهدا كله بالترتيب يعني مش على كيفك انت مقيدة
تبدا بالوردي فالازرق ثم الابيض ثم باقي الالوان
يعني الفاتح اولا ثم القاتم
واخترت لكم هده التصديرة

اهل العريس يكونو قاعدين ولو في منزلهم لانه اهل العروس هوما الي يتولاو التحضير لقهوة الصباحة من كل شيء
يطيبوها ويسربيوها مع الحلويات ومن بعد يقدم الرفيس مع اللبن
في اخر لبسة تع العروسة وهي الاثقل يؤتى بدكر من اهل العريس باه يحزم العروسة

وهنا يعطي للمراة نقود وهي تعطيلو هدية كانت حضرتها قبلا
ثم يرقص الجميع ولو تكون العروس مسافرة تعطي في نفس اليوم هداياها لاهل العريس…
من بعد تلبس لباس اخر حسب دوقها وتودع اهلها وتبدا حياتها الجديدة

الجيريا


نتمنى
الجيريا
للجميع المتزوجات والعاقبة للعازبات

عدرا لقيت خلل من قبل فلم استطع التكملة الان

لي عودة للاضافات الاخرى وتكملة الموضوع
انتظروا بقية الصور

[/hide]

مشكورة اختي علي هذا الموضوع
شكراا لك

شكرا ام بيسو
عادات وتقاليد عنابة روعة و مكانش كيفها منتظرين التكملة
حبيت نقلك برك الصور مش باينة لفوق
ماشاء الله
سبحان الله كل منطقة وعاداتها

شكرا على المعلومات فعلا كل منطقة وتقاليدها ان شاء الله يبارك لكل الازواج ويجمع بيناتهم في الحلال
جد مشكورة الجيريا
مشكوره اختي ام بيسو

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.