حلويات العيد 2024.

السلام عليكم غالياتي
المقادير:
العجينة:
3كيلات فرينة
كيلة الا ربع زبدة التوريق ذايبة وباردة
ملعقة صغيرة فاني
ماء+ماء الزهر لجمع العجينة
ملون ابيض+ملون بني
الحشو:
3كيلات لوز مرحي رقيق
كيلة ناقصة شوية سكر احرش
م ك قشور ليمون
ملعقة صغيرة فاني
بيض
ملون بني
نحتاج ايضا الى
كمية من اللوز مرحي خشن
بياض بيض
حبات بندق
ناباج
للتعسيل :نحتاج الى
كيلة عسل+كيلة شربات
الطريقة:
اولا نحضر العجينة
في وعاء نحط الفرينة والفاني وزبدة التوريق ذايبة وباردة نحرك بالاصابع جيدا نقسم العجينة الى قسمين جزء نضيفلو م ص من الملون الابيض نتاع الميزان في شوية ماء الزهر ونلم العجينة بالماء وماء الزهر لازم تكون العجينة متماسكة
ام القسم الثاني نضيفلو ملون بني مذوب في شوية ماء الزهر ونلم العجينة بالماء وماء الزهر نغطي العجينة ونخليها ترتاح
ثانيا نحضر الحشو نخلط اللوز+السكر+زاست ليمون+فاني+ملون بني مذوب في القليل من ماء الزهر ونضيف البيض تدريجيا حتى نتحصل على عجينة متماسكة وهذي نقطة مهمة
نحتاج ايضا الى هذا القطاعات لتشكيل الحلوى



ناخذ الحشو ونشكل كويرات بحجم 23غ حتى نكمل الحشو



من جهة نرش طاولة العمل بالمايزينا ونبسط العجينة بالحلال ونرققها في الماشية حتى الرقم ماقبل الاخير
بواسطة قطاعة نقطع دوائر



ناخدكويرات الحشو نحطهم في بياض البيض ثم في اللوز المرحي خشن ندهن الدوائر لي قطعنا ببياض البيض ونحط كويرات اللوز



نبسط العجينة البنية ونفوتها في الماشينة كيما عملنا مع العجينة البيضاء وبواسطة القطاعات نشكل وريدات 2بني وواحدة بيضاء



نحط الوريدات فوق كويرات اللوز من الاكبر الى الاصغر وندهن بينهم ببياض البيض في كل مرة
ناخذ حبة بندق ونزين في وسط الوريدات



وهكذا حتى نكمل الحلوى وماننساش نحط ورق الطبخ للبلاطو قبل مانحط فوقه الحلوى



نغطي الحلوى ونخليها ترتاح على الاقل 4 ساعات من بعد نطهيها في فرن على نار هادئة من فوق ومن تحت مع مراقبة الطهي لازم يبقى لونها ابيض
التعسيل:
نحضر شاربات نحط كيلة سكر+كيلة ونصف ماء على النار لمدة 15د
بعدها نخلط كيلة شربات مع كيلة عسل ونعسل الحلوى



نحطها تقطر وندهنها بالناباج ونحطها في لي كيسات ونقدمها وهذا شكلها النهائي







نتمنى تعجبكم الحلوى ولاتنسوني غالياتي من صالح الدعاء ولكن بالمثل
في امان الله

منقــــــــول

السلام عليكم اخواتي
اليوم جبتلكم قاطو جديد الوصفة عطتهالي اختي بارك الله فيها نخليكم مع الوصفة
المقادير:
6بيضات
علبة قاطو ماجور ذوق شكولة مرحي غبرة
نفس المقدار من اللوز مرحي خشن
كاس سكر عادي
كاس زبدة ذايبة
فاني ،2خميرة
السيرو:
3كيلات ماء،كيلة سكر
للتزيين:
حليب نسلي
شكولة
قوفريط على شكل سيجار
الطريقة:
اولا نرحي علبة ماجور غبرة ونفس المقدار نتاع ماجور هو مقدار اللوز مرحي خشن
https://

من جهة نفصل البياض عن الصفار
نطلع البياض مع الفاني ورشة ملح ونخليه جانبا
نضرب الصفار مع السكر بالخلاط الهربائي جيدا نضيف ماجور واللوزوالزبدة الذايبة ووالخميرة ونحرك بالملعقة ونضيف البياض تدريجيا ونحرك من الاسفل الى الاعلى كيما نعملو في الجينواز ندهن مول متوسط بالزبدة والفرينة ونفرغ الخليط ونحط يطيب في فرن مسخن مسبقا على180درجة
https://

ما يطيب نخليه يبرد تماما وهذا شكله
https://
نحضر السيرو بالمقادير السابقة ونخليها تبرد ونسقي القاطو بلا مانكثر لسببين اولا القاطو يجي حلو ثانيا كنقطعوها تتفتت يعني نسقيها غير شوية

نكونو طيبنا علبة نسلي في الكوكوطة لمدة45د نخلها تبرد تماما نضربها بالباتور شوية ونفرغها على الحلوى
https://

ندخلها للثلاجة شوية لتسهيل عملية القطع
بعدها نقطعها مربعات ونزينها بالسيجار والشكولة وهذا شكلها النهائي
https://
https://
ملاحظة:
لي حبت سمك القاطو خشين تعمل مول صغير شوية وراح تحتاج لعلبة نيسلي واحدة انا المول متوسط عملت علبة وشوية
نتمى تعجبكم الحلوى وتجربوها ولا تنسوني من صالح الدعاء لي ولاختي الغالية لي عطتني هذا الوصفة الراااائعة

العجينة:
400غ مرقرين،200غ زبدة ستار،كاس سكر رطب،4بيضات الصفار نعملوه في العجينة والبياض في الحشو،2خميرة،فاني،كيلو فرينة،9ملاعق كبار حليب سائل

الحشو:
2كاس نواد كوكو،كاس سكر رطب،4ملاعق كاكاو،4بياض بيض،كمية من الماء
الطريقة:
نحضر اولا الحشو نخلط النوادكوكو والسكر رطب والكاكاو ونرحيهم في الروبو وهذا لتسهيل عملية بسطه على العجينة نحط في اناء ونضيف بياض البيض وكمية من الماء لازم الحشو يكون
مطلوق شوية لتسهيل عملية بسط على العجينة
من جهة نحضر العجينة نخلط المرقرين والزبدة والسكر نخلط جيدا ثم نضيف صفارالبيض والحليب ثم الفاني والخميرة والفرينة
نقسم العجينة على ثلاث او اربع كرات
نستعمل النايليون نرش بشوية فرينة ونبسط العجينة بالحلال ويمكن نمسح الحلال بالفرينة لتسهيل بسط العملية ونرقها على قد ما نقدر كما هو موضح
https://
ثم نضع كمية لاباس بها من الحشو ونبسط على العجينة
https://

نبدا نلف العجينة غير بالعقل ونحسب 6لفات ونقطع
https://

نتحصل على حربوش كما في الشكل
https://
بعد ما نكمل العجينة نحط الحرابش في الثلاجة لتسهيل عملية القطع
بعدها نقطعهم مربعات وندخلهم يطيبو في الفرن على درجة حرارة 180درجة لما يطيبو من الاسفل نشعل من فوق حتى ياخذو لون خفيف فقط

://
://

بعد ما يبردو تماما نغطسهم في شكولة مذوبة على حمام مائي ونزينهم من فوق حسب الرغبة وهذا شكلهم النهائي
https://

وهذا شكلهم من الداخل
https://

قبل مانحط المقادير نقولكم ان الكيلة المستخدمة هي كاس نتاع250مل وهذا الكمية تقطع حوالي30حبة على حسب الحجم

المقادير:
زوج كيلات كاوكاو محمص ومدشش
كيلة بيمو مرحي
نصف كيلة سكر احرش
فنجان صغير زبدة ذايبة
زاست حبة قارص،م ص خميرة الحلوى،فاني
البيض نستعمل بيضة مقابل زوج بياض حتى تتلم العجينة
جلجلانية
عسل
https://إضغط هنا لرؤية الصورة بحجمها الطبيعي.

نخلط الكاوكاو+بيمو+السكر+الخميرة+الفاني+الزاست+الزبدة الذايبة ونبدا نضيف البيض نضيف بيضة+2بياض حتى تتلم العجينة اما اذا ضاعفنا المقادير راح نضاعف كمية البيض
نشكل كويرات بنفس الحجم

https://إضغط هنا لرؤية الصورة بحجمها الطبيعي.

نغطسها في بياض البيض ثم في الجلجلانية ونحطها داخل لي كيسات

https://إضغط هنا لرؤية الصورة بحجمها الطبيعي.

وندخلها للفرن تطيب على درجة متوسطة لازم نراقبها لان الحلوى مافيهاش فرينة راهي ساهلة في الطياب
من جهة نكون سخنت العسل وضفتلو شوية ماء الزهر
غير تخرج الحلوى من الفرن نسقيها بالعسل نحط حوالي م ك لكل حبة
نسخن لاجولي وندهنها من فوق باه تبقى تلمع وشكلها يجي شباب ونزين كل حبة حلوى بنصف حبة سوريز كونفي و من الاحسن نغير لي كيسات ونقدمها وهذا شكلها النهائي

https://إضغط هنا لرؤية الصورة بحجمها الطبيعي.

https://إضغط هنا لرؤية الصورة بحجمها الطبيعي.

عن قرب امممممممم

https://إضغط هنا لرؤية الصورة بحجمها الطبيعي.