نظراااا لاهمية الموضوع
فتحت هدا التدخل مساعدة منا لكل المخطوبات
ولعقوبة لكل بنات الجزائر
حابين كل واحدة تسمينا كل صغيرة وكبيرة تاخدها العروسة معاها في جهازها
ومن الموضوع ايضااا نتعرف على عادات وتقاليد ولاياتنا المتعددة ببلادنا الحبيبة
نرجوا من كل من سترد بقائمة التجهيزات
ان تدكر المنطقة للفائدة طبعااا
.
.
.
.
لي عودة لاعطائكم عادات عنابة وبالصور
العروسة العنابية حقا ربي يكون في عونها لانها صعيبة وخصوصا حاليا ماتخلي والو
الدهب
ادا دارلها الزوج المقياس وهو المتداول كثيرااا تكمل هي الباقي من محزمة براسلي سنسلة اقراط خواتم مسايس واش قدرت تلحق في الفائدة 
القنادر
*تع الاعراس يكونو على الاقل 7
من الكبيرة الى الصغيرة و بالوان مختلفة وموديلات متنوعة الفتلة والمجبود الكوكتال الشامسة التل البارلاج القاط السواري…
*تع مناسبات كالاعياد والمناسبات الصغيرة يكون الكوبون مليح بزاااف والخياطة فن وجديد
*تع عشية
التيسي يكون اقل كلفة من الي فات وخياطة مليحة
*تع الدار والقضية
التيسي يكون اقل كلفة من الي فات وخياطة مليحة
*تع الخرجة
وكل شيء صيف وشتاء
بلا ماننساو صبابطهم وصنادلهم
الفراشات كيمانقولو حنا
يكونو تاني على الاقل 7
تع الدهب البرودي النابال طروفة كروشي بانتير حساب بيك بيك (المبشكر) وبالوان تاني وهدو تع السرير
وتزيد تشري تع الحوانت والدارج طبعااا كالافرشة السورية والتركية
الفراشات تع الدار كامل
اولا المطارح والمضربة
الصوف عندنا يجيبها الراجل والمراة تشري البوغاز تع المطارح وتغرزهم والمضربة مابقاوش يديروها صوف عادو يشريوها جاهزة
الاغطية لي كوات + الزور+الملاحف (درا)+الزرابي تع الغرف كل بمافيهم تع غرفة النوم سوندليي
الصالون فيه الي تحب تخرج صالون معاها في الفراش وفيه الي تخرج دي بونكات ولازمها طبعاا تفريشة تاعه وكدالك بقية الغرف لازم تدي تفريشتهم من كل شيء
البساطات صوف وبونج تع بلاسة وتع زوج والعدد دوماا زوجي من اثنين الى اربعة الى ستة وهكدا….
هادو الكبار في الجهاز من بعد يجيو الاشياء الاخرى الي تدي وقت ونقود بلا مايحسلها الواحد
لوازم العروس
تع الحمام سورتي دبان+بشاكر كبار وصغار بلا ماتنسى تع الضياف+عكسات +ماسكات شعر+بروسات وسلاك
تشكيلة عطور وصابون وشامبوان وماكياج+سيشوار+حديد+معجون اسنان وفرشاته
سيرومات وجل دوش وكريمات….
تكملها ايضاا بالاواني والالات الكهرومنزلية
والهدايا تع عائلة الزوج بما فيهم الزوج
يتبع
وشكرااااااااااا
احنا ف تلمسان تدي كلشييي الله يستر و يحفظ ههههههههههههه
لي عودة ان شاء الله نهدرو على التفاصيل و الله يكون في عون المساكن
ربي يهني كل عروسة
احنا في وهران تدي ملابس تقليدية منها البلايز و المنصوريات
و القسنطينية و كاين الي تدي الردى
و الفراش تدي 10 لحوف و مخايدهم و 6 كوفيرطات * الزاورات *
و الدروات و الطابيات و الصالون و الكوفرولي
بالاضافة مستحضرات التجميل الماكياج و الشمبوان و الجال دوش و غيرها …..
و تدي تاني تروسو نتاع الحمام الفوطا و الفشاكير
بلا ما ننسو الصبابيط و البلاغي
المهم كي نقعد نحطلكم راهي تخلي دارهم مساكن خخخخخخخ
أختي أم بيسو حتى العروسة الي تجيبوها من ولاية اخرى لازم دير كيما تقاليدكم
لكن بما انك رايحة تسكني في عنابة ننصحك ديري قنادر عنابة تع الاعراس
ماتخافيش راهم ملاح
+
ننصحك ماتشريش قنادر جاهزين للبيع لانه تع المشرى يخيطوهم بفتلة ماشي حرة مع الوقت تزراقلك وتفسد القندورة
+
سومتهم البرى غالية قد القندورة قد خاتم عندنا
وادا حبيت نعاونك في الاختيار اختك هنا
مشي مشكل
إذا للتصديرة: محال أكثر من 5 تصديرات، 2 تقليدية الكاراكو لازم و بدرون و قفطان مودرن شباب، تايور و وحدة روب صواري مع الصبابط 
و البوشات و الأكسسوارات
صوالح الحنة، يكون فستان شباب و مستلزمات الحنة راكم تعرفوها
ملابس البيت من بيجامات و نويزات و ثياب داخلية، هادو نكثر منهم ما يديموداوش، مع بنتوفات و بلايغ حاجة خفيفة و بينوارات، يعني 3 على الأكثر من كل نوع (بيجامة، روبة نتاع الدار، بينوار)
كوسميتيك: بارفانات، ديودورو، صابون، شامبوان، سرابت، بنيقة، سروتي دبان…ماكياج…بابيليس..الخ
الفراش: كووات، كوفيرتات، ديسون دو لي، زرابا، تفريشة الصالون و بيت القعاد، ليناب، ليستور…الخ
الذهب: حاجة ولا زوج تكون متينة و ما تديموداش علاحساب المقدور
و لي عودة، التيليفون راهو يصوني