ملابس الشتاء 2024.

اخواتي راني حاصلة ..عاونوني
انا عرسي يكون سبتمبر او اكتوبر تع العام الجاي..وبما اننا في فصل الشتا ..قلت نبدا جهازي بملابس الشتا..لكن ما عرفتش شعال ندي من قندورة او بيجامة او بنتوفات..المشكل راهو في العدد
من فضلكم افيدوني حسب خبرتكم خاصة لفصل الشتا او الخريف المهم في البرودة ..اعطوني واش ندي و العدد
والله يجازيك ..

للعلم راح نسكن وحدي..و القنادير نخليهم كي نروح نضيف..خاصة كي نروح لدار شيخي نطول اكتر من 15 يوم

اختي مدامك رايحة تتزوجي في سبتمبر الجاري من راي ابداي بالحوايج المهمة لانك كي تبداي تخيطي متخرجيش منها ابداي باليكوات واملابس الداخلية ولا بلايغ تقلك متكثريش بزاف خاصة انك رايحة تسكني وحدك معناتها الاكثرية بيجامات وملابس الدلع هههههه وراهي في كل عام تخرج موضة وكتان جديد لوكان انتي ديري كل قندورة وبانتوفتها ومساكها ولا شوشوها او الخمار تاعها يعني يكون تنسيق اكيد في القنادر الي رايحة تستقبلي بيهم ضيافك ولا كي تروحي لبيت شيخك اناقصدي مدام العام الجاي ابداي بحوايج اخرى لا زماتك وادا صادفاتك خياطة اوقندورة مليحة معليش اخطفيها هدا راي ومنعرف لبنات زيدو يفيدوك

نصيحتي اختي ما تكتريش من الملابس اولا الملابس تاع الخرجات
ثانيا ملابس الو يواي لانهم يلزموك اكثر لان الزوج لا يحب البدعيات
بل الملابس الفضفاضة لانها اكثر لوزوم وخاصة انك تسكنين وحدك

انا مع راي الاخوات ابداي بالفراش و الذهب ثم انتقلي للملابس و لكن اذا لقيت كاش خياطة مليحة اخطفيها ربي يهنيك

مدام طلبت العدد نقلك
ملابس البيت -قنادر شتاء -4 الى 5
بيجامات شتوية 4
وطبعا البنتوفة حبيتى حسب لون الفستان ولون البيجامة ولو تحبي 4 بينهم يكفى اختى .
وموفقة غاليتى