بسم الله
نبدا نحكيلكم على الحيوان اللي عندي في البيت ونربي فيه
طائر الكناري
هو اللي عندي حقيقة لما جابو زوجي اول مرة قتلو علاه جبتو
ومن بعد بشوي بديت نتعلق بيه و نهتم بيه من ناحية الاكل نتاعو ونظافة يبيتو القفص الذهبي ههههههه
جابو وهو صغير بعد اهتمامي ليه طبعا كبر ولى راجل
ما شاء الله
كي نشوف الجو مليح نخرجو للبالكونة يشمس شوي
جبناه في وقت البرد
يامات وجا الربيع
وليت نخرجو يشمس شوي ويقعد يصفر ويصفر
قالي راجلي الكناري المسكين راهو كبر لا زملو 
فهمتوني هههههههه
المهم جبنالو كناري انثى
والحمد لله عجباتو وعاشو في ثبات
ايا واش صرا من بعد خممتو معايا واش صرا
بعد شهر على ما اظن
خدمنالو عش باه تحط البيض نتاعها
وزدنا حطينا خيوط خيش باه تهزها وتنبني العش نتاعها لروحها
وبالفعل خدمت العش وحطت البيض نتاعها كانت كل نهار تحط بيضة حطت اربع بيضات صغاااااااااااار لونهم مايل للازرق
لما حطت البيض قالي زوجي مديلهم البيض المسلوق كنت نغلي البيضة ونخليها تبرد ونقسمها على نصفين وهي بالقشور ونحطهالها في صحنها الخاص بالبيض وكانت تاكل البيض بالقشور واكلها الخاص اللي في الصورة نوعين
الاول
عبارة عن صفار بيض جاف
كانت مدة تفقيس البيض على ما اظن مدة 15 يوم ويبدا البيض يفقس
كان البيص يفقس الوحدة تلو الاخرى كل يوم تزيد تفقس وحدة
لما شفتهم اول مرة استغربت يا لذلك المنظر كنت متمنية نشوف البيضة كيفاه تتفقس يعني نحضرلها كي تتنحى القشرة على الفرخ
كنت لما نفيق الصباح نطل على العش ونلقاها تفقست وهي لحمة حمرا سبحان الله وعليها زغاب من الريش لازم تركزي مليح باه تشوفيه وكنت نقول سبحان الله كيفاه تكبر وتولي طائر كناري وكيفاه الطائر هذا يجيب البيض سبحان الله
المهم وهكذا والفت بيهم وتعلقت بيهم بزااااف
وكنت نشوفها وهي تطعم صغارها من البيض بفمها منظر رائع
اما يكبرو الصغار شوي نحطوهم في اكاج وحدهم مع باباهم الطائر الكناري يزيد يوكلهم شوي حتى يوليو يعتمدو على نفسهم
وهي تعاود تحمل يا حلوتي هههههههههه وتوجد العش وتولد وتحط البيض نتاعها نفس السيناريو
وهكذا
عاشو الكناري الذكر والانثى في ثبات وجابة صبيان وبنات وهههههههه
كاين اللي اصفر وكاين اللي ابيض
من بصح بقيت حايرة معرفتش وينو الذكر وينو الانثى
العائلة اصبحت تتكون من 7 افراد من الكناري
وكان اللي ماتلها ماتو ع4 فراخ وهما صغار
ان شاء الله ماكنتش طولت عليكم برك
مغامرات بزاف مع الكناري ماحكتهملكمش
سيرتو كي طاحلي لاكاج من البالكون يا ويلي خلعت حسبتو مات يا ويلييييييييييي
جاااااااااب شحااااال مايصفرش
حتى راح راجلي عن الاخصاءي في مجال الطيور وقالو بلي طاح ومعادش يصفر
مدلو دوا قالو حطهولو في الماء اللي يشربو
وطبقت الوصفة ههههه
ايام وعاد يصفر والحمد لله
راني خرجتو باه تشوفوه مليح
وهنا زعف مني بغا يولي لاكاج
اللي بغا يشوفني مليح اصبرو على شوق الروح تصورني وتحطني في اليوتيوب
بااااااااي اصدقاء شوق الروح
مع السلامة
نتمنى كل وحدة تحط موضوع هكذا والله الواحد يتشوق يقرا و يشوف في الصور ..والله موضوعك نور القسم كااامل …بارك الله فيك
والله نموت على المواضيع كيتكون مدعمة بالصور وفيها الالوان تخلي القارئ ينجذب اليها رغما عنو
هههههههههه مارانيش نشكر في روحي هههههههههههه
ومرتبة ماشاء الله عليك
ربي يحفض الكناري والعائلة تاعو
موفقة
فزاده روعة وتالقا وجمالا
يعطيك الصحة شوق على مشاركتنا تجربتك
بالتوفيق