قوارب بطاطا بالجبن والزيتون وخبز الدار من مطبخي 2024.

هذي قوارب بطاطا بالجبن والزيتون كانت غداي اليوم هي وخبز الدار في ولايتي يقولولها كسر كوشة

واو بنين

راها تبان بنينة بصح ادا مافيهاش ازعاج ممكن طريقة كيفاه عملتيها

بصحتكم هااااااااااااايلين

مشهية جدل يعطيك الصحة

رائع بصحتكم

مسحتك تكليهم بالصحة

اختي ضوء القمر حكمت 4 حبات بطاطا كبار شوية وحطيتهم يطبخ شوي في الماء مع حبات بطاطا صغار ربع ساعة ونحيت الكبار من الماء وخليت الصغار يطيبو مليح ومبعد قشرت 4حبات لنحيتهم وقسمتهم على 2حطيتهم فوق نار هادية وشويتهم شوية ومبعد جبت سكين وقمت حفر كل وحدة في الوسط ودرتلهم شوية الملح وحطيتهم ييتقلو حتى يحمارو وحطيتهم على حدى
الخلطة هي الباطاطا الصغيرة لقمت بتركها طيب نزعت ليها القشور وقمت بهرسها بالفرشاة +بياض بيض+فورماج حسب الرغبة+فلفل اسود+معدنوس مقطع رقيق +ملعقة كبيرة مايوناز+زيتون اخضرمقطع رقيق +رشة ملح وقمت بخلطهم مع بعض وجمرتهم شوية فوق النار حوالي 5دقائق وبعدها قمت بوضعهم في القوارب تاع الباطاطا وزينتهم بالزيتون والفورماج

يعطيك الصحة أختي

يعطيك الصحة يبان بنين