فلفل محشي ب la pate feuilletée 2024.

السلام عليكم
بسم الله نبداو
نحتاجو فيونداشي قليها مع زبدة و ثوم و فلفل اكحل وملح
طيبي كاس روز + زوج كيسان ماء و شوية ملح

في صحن خلطي الفيونداشي و الأرز و المعدنوس و الثوم والفلفل اكحل و كمون و بيض

خلطي الكل مع بعض

نحتاجو فلفل، حليه بالجنب (غير شويه باه مايعييكش من بعد) ونحي الزريعة على ما تقدري. اغسليه و نشفيه

أحشي الفلفل بالخلطة

اقلي الفلفل في زيت سخون من الجهتين

حطيه على ورق مطبخ باه يمتص الزيت و كي يبرد قشريه

حلي la pate feuilletée مليح و قطعيها شرائح طوال و رقاق

لفي الشرائط على العجينة جيدا ستفيهم في مول ثم ادهنيهم بالبيض من الجهتين و حطيه يطيب في الفور حتان يحمار

اغسلي الطماطم جيدا و قطعيها

ضعيها في طاوة و اضيفي المعدنوس الثوم الملح الفلفل الاسود فلفل احمر ملح ورقة رند و كمون و زوج مغارف زيت و حطيها فوق النار تطيب

كي تطيب نحي الرند و ميكسي الكل حتى تتحصلي على صوص طوماط في قمة البنة

كي تحمار العجينة المورقة من فوق نحيها

قدمي الفلفل مع الصوص تومات و شهية طيبه

ماتنساوناش بدعواتكم و تقييم للموضوع
شكرا

ممممم تشهي يعطيك الصحة

يعطيك الصحة باين هايل اعطيني ندوق شوية باش نقيم لك ههههههههههههه ممتاز

امممم تشهي يعطيك الصحة

شكرا ريتاج و بصحتك الصحن كااااااااااااااااااااامل

ريوقي سالوا مع هده الوصفة
راها تشهي

و الله و جيتي قريبة نبعتلك تشبعي ماشي حتا تدوقي

جوعتيني راهي تشهي يعطيك الصحة

حرام عليك انا نشوف فيها وعيوني خرجو وريوقي سالو
انا موالفة نعمل غير الفلفل معمر بنفس الطريقة بالحق هاد جديدة علي
الله يعطيك الصحة

يممممممممم يسلمو
مرة جربتو لكن مقلي بنين