خلطة طبيعية لعيون حبيباتي امينة بسملة و السطايفية

السلام عليكم
حبيباتي الغاليات

اليوم حبيبتنا امينة طلبت وصفة لتقشير الوجه
وانا حبيتكم تشاركونا في الوصفة فحطيتها في موضوع خاص باش كامل نستفادو لانها حقا رائعة

جبتلكم هذي الوصفة لي نعتمدها انا في حياتي
و بشرتي كيما نتاع البيبي
رطبة و بيضاء و وجهي منتفخ
المهم

الطريقة سهلة جدا و هي
نبداو مع المقادير

2مغارف خميرة الخبز العادية
مغرف كبيرة عسل حر
مغرف كبيرة لحظة بودرة
2مغارف بتيسويس سامط الابيض
قطرات قارص
مغرف ماء الزهر

و نخلطو الكل مع بعض
و نخلو الخلطة تترتاح حتى يتضاعف الحجم
ابداي في وضعها على الوجه الرقبة الايدي
لانها تقشر و تبيض في نفس الوقت
خاصة عند التعرض للشمس
المهم خليها تنشف
ومن بعد ابداي بحكها جيدا
راح يصبح الوجه نتاعك احمر
ما تخافيش
كي تكملي تكوني دايرة ماء الورد في الثلاجة

ومن الاحسن يكون في بخاخة و بخي على وجهك
و راح تشوفي النتيجة المذهلة

موفقة اختي العزيزة و كي تجربوها ما تنساونيش بالدعاء للغالي ابي العزيز رحمه الله

ملاحظة

هذي الوصفة تندار 2 مرات في الاسبوع
كذلك عند التعرض للشمس

اختكم اللتي تحبكم ام آية

يعطيك الصحة ام اية شكرا باينة خلطة مليحة باذن الله نجربها في اقرب وقت الله يسلملي عيووووووووووونك والله يرحم الوالد ويسكنه فسيح جناته يا رب

واااااااااااااااااااااو جات في وقتها ربي يبارك فيك حبيبتي ام اية نموت عليك بوووووووووووووووووووووسة كبيرة

شكرا للدعاء لابي
ربي يخليلك فتافيتك و يعطيك ما تتمناي غاليتي

يا عمري على حبيبة قلبي
و انا تاني نموت عليك و بوسة مني ليك

يعطيك الصحه ام اية ربي يجازيك حبيبتي….
دوك نجربها ونداوم عليها بأذن الله
مرسي ختي اوموا نتقشروا شوية في هاذ لعيد باه نبانو هههه

حبيبتي جربيها و ما تندميش رائعة
تسلمي يا عمري

ههههههههههههههه
ضحكتيني
راكي تباني غير بقلبك الطيب يرد عليك يا غالية
شكرا حبيبتي