اعطوني احسن ريجيم لمرض القولون العصبي 2024.

اختي ربي يشافيك
انصحك ان تستمعي للدكتور آل دخان ,عندو نصائح ماشاء الله ,انا استفدت منها,و آخر مروكي اسمه جمال الصقلي,,,موجودة في اليوتوب,
انا جربت وصفة تنظيف القولون وراني مستمرة ان شاء الله,

ربي يوفقك اختي

حبيت أسألك عن اعراضو و كيف تعرفين بانه القولون العصبي

يا اختي دكرتيني باوجاعي هاد المرض اناتاني هبلني مرضتو من الي كنت في 16 سنة
وشربت الدواء حتى كرهت دواء والريجيم ما نحكيلكش نشوف الماكلة تشهيني وماناكلهاش علاجال الوجع
بصح دوك الحمد لله خف عليا شوية
بصح صحتي الي راحت
ربي يشفيك اختي ويعافيك

أخت ربي يشفيك و زوجي راه عاني الامرين معاه حتى العام اللي فات دلوه على طبيب اما في ولاية شلف او ولاية الجزائر باه يدير راديو و تيو سامحني على الالفاظ غير باه نفهمك و راح اهاذ الطبيب عطاه دواء يشربو يومين بدون ماياكل حتى حاجة من غير البيون وفعلا شرب هاذ الدواء حجمو كبير فيه4لتر و كانت رائحة تاعو كريهة و النهار الثالث راح للطبيب بدون اكل و دارلو هاذ التيو او التويو دخلوا عفاكم الله من تحتو وكان الم رهيب لان المريض بالقولون العصبي كي يزعف يتربط مصران و كان عندما يوصل عند كل عقدة باه يحلها يقوى الالم ثم تتحل حتى كملهم و عطاه بعدها دواء يشربو و كتب ربي الشفاء على يد هاذ الطبيب و نذكرك كاين غير هاذ الطبيب و الاخر اللي في الجزائر العاصمة اللي عندهم هاذ الاجهزة سامحيني طولت عليك بصح راني عارفة بلي هاذ المرض مؤلم و مزعج و صعب المعالجة منو ربي يشفيك

لباس عليك اختي ولكن لازم تستشيري اخصائي تغذية هو الي يقدر يفيدك ماديريش رجيم الي تلقايه قدام
ولباس عليك ربي يشفيك

شفاك الله حبيبتي
و اسالي اهل الاختصاص احسن حتى لا تزيدي المشكلة تعقيدا
او الاخت تحقيق الامل فهي دارسة للطب البديل

ربي ايشافيك اختي
عانيت نته سنوات والان الحمد لله انصحك بتيزانة:اكليل الجبل ,البابونج,المردقوش اديري الماء يغلى ارميهم في الماء او خلي المردقوش هو الاخير اغلقي اعليهم او خليهم يطلقو في بعضاهم ترجعي ماشاء الله

شعور بالإرهاق والتعب العام.
شعور بالشبع وعدم الرغبة في الأكل، ولو بعد مضي وقت طويل بعد الوجبة السابقة.
آلام في أسفل البطن أثناء التبول، وأحياناً الشعور بالحصر.
آلام شبيهة بوخز الإبر في عضلات الصدر والكتفين والرجلين وغيرها.