هذا عشائي قبل يومين قعدت نص ساعة نخمم و حايرة ثم 
كان عندي شرائح داند قلت دايما نشويهم او نفارسيهم في الفرن هاتي نغير نديرهم brochettes
قطعت الداند لمربعات صغيرة ماكانش عندي لا كريم فراش لا ياورت طبيعي درت حيلة: حليب غبرة( نخليه في الثلاجة للازمات) درت ضعف مقدار حليب مع الماء يعني حوالي 6 م ك مع كاس الا ربع ماء و عصير نص ليمونة و ملح و موتارد و زنجبيل مفروم و فلفل احمر و اسود سنينة ثوم خلطتهم و نقعت الداند نص ساعة
قطعت البصل شرائح مربعة و الطماطم و الفلفل الاخضر و اذا تحبيهم حارين زيدي قطع حار و ذريت فوقهم الملح
الفطر كان صغير ما يحتاج تقطيع هذا المفضل عندي
طليت على عيدان الشواء ما لقيتش درتهم في عيدان تنظيف الاسنان 
لصقتهم بالتناوب و اذا عندك اطفال خليهم يساعدوك
كي قرب وقت العشاء في مقلاة كبيرة مع م ك زيت شويتهم على نار قوية ثم نقصت و غطيتهم باش ما ينشفش الداند حوالي 10 د
ملاحظة
جاو هشاش و بنان داند تاكليه غير بشواربك طراوة روعة
مع واش؟؟؟ 
طبقي المفضل تاع الارز و السريع
ارز ابيض انا نستعمل هذا
طبختو مع زبدة و ملح و عود قرفة و زعيترة مجففة ديري كيما تحبي انا نحبو منقط بيها
في مفلاة بصلة متوسطة مقطعة رقيق مشوحة بالزبدة حتى تذبال
و فورت الزبيب حوال نص غرفية ثم رميتو في المقلاة مع زبدة 5 د حتى تنفخ
في نفس المقلاة كمشة لوز مقشر يتحمر في الزبدة
و خلطي الكل مع بعض
من السرعة ما صورتش لكن هاذي صورة من النت بالضبط كيما هو فقط انا درتو ابيض
و حطيت معاهم كوكا صنع منزلي بالعجينة المورقة
و الحشو بصل و طماطم طايبين ملح و زعيترة مع شيدار مرابي
ديري طبقة العجينة المورقة في صينية الفرن ما تكونش رقيقة ياسر و لا خشينة ديري الحشو ترابي الفرماج و تغلقي بطبقة اخرى تدهني بصفار البيض و تقطعي مربعات طيبيها في فرن ساخن فيه اناء ماء للرطوبة
إن شاء الله تجربوهم و ادعولي ربي ييسر اموري
يمي يمي كل حاجة تشهي
بصحتكم
ان شاء الله تجربوهم
كل شيئ يشهي
يا أختي
ربي يعونك ويرزقك