4 فصوص ثوم مهروسة+ حبة جومبو+ زيت للتقلية+ ملح و الفلفل+ شوربة مقدار كاس شاي+ لحم دجاج المقدار الي عندك+ ارز + 2 حبات طماطم+ 4 حبات دنجال+5 فرماج لافاش كيري
الخطوة الاولى طبخ الارز:
في قدر قلي الثوم+ الشوربة+ اللحم حتى تنقلى الشوربة و تكون بلون ذهبي و الان قيسي معيار الارز الي عنك بكاس كبير و عبري بيه ضعفه ماء يعني اذا راح تديري 2 كيسان روز الماء يكون4 كيسان و ليق الماء يكون ساخن بعد ما تكوني عبرتي الماء اضيفيه الى تقلية اللحم و الثوم و اول ما يبدا بالغليان اضيفي حبة جومبو و اضيفي الارز غطي القدر و خففي النار يعني تكون خافتة بزاف و خليه يطيب حتى ينشف الازر من الماء و ما راحش تستحقي باش تخلطيه لما يكون يطيب لانه راكي قايستله مقدار الماء و ما راحش يشدك في الطياب عادة ياخذ 20د
الخطوة الثانية : قطعي الدنجال شرائح و اقليه ثم قطعي الطماطم و خليها عل جهة
لما ينضج الارز في صينية للفرن مدهونة بالزبدة ضعي الطبقة الاولى من الارز ثم رصي فوقها الدنجال المقلي و شرائح الطماطم و الفرماج ثم غطيها من الفوق بطبقة اخرى من الرز ومن الفوق زينيها بشرائح ال طماطم و اللحم ادا حبيتي تفتيه من الفوق و لا تخليه مورسو انا فتته و تزيدي مورسويات صغار تاع فرماج و زبدة و يدخل الفرن لمدة 15د او حتى يتحمر الارز من الفوق
انا شاء الله تجربوها وتعجبكم لانها لذيذة بزاف و راح تدعولي :50
يمممم وصفة تشهي يعطيك الصحة اختي
