https://www.dzhawaa.com/vb/newthread.php?do
حليت الفريجيدار و لقيت فيه شويا مقرون من البارح بلا لاصوص كنت رايحة نقليه كيما موالف، غير يبقالي شويا نديرو بنفس الطريقة ونقليه فالزيت
و اليوم حبيت نبدل و نديرو فالفور و مبعد لقيت شويا عدس محبيتش نرميها قلت نديرها معاه و خرجلي بهاد الشكل
المقادير
غرفية مقرون باقية من البارح +5 بيضات + معدنوس مفروم+ بصل خضر مقطع رقيق +سنة ثوم مرابي + فرماج مقطع +ملح، فلفل كحل + شوية عدس بقالي ملفطور صفيتو من المرقة.
الطريقة
1. خلطت المقرون مع 4 حبات بيض و معدنوس +ثوم+ بصل + فرماج مقطع بموس سخون (يتقطع مليح) + ملح، فلفل كحل لازم يجي جاري شويا,
2. درت مغيرفة منو فالمول كنت عمرتو بلكيسات و دهنتهم بزبدة ذايبة
3. زدت عليهم بولة صغيرة من العدس و غطيتها بمغيرفة وحدوخرى مقرون و هكدا حتى كملت
4. ضربت حبة البيض اللي بقات و فرغتها فوقهم بمغيرفة صغيرة
5. دخلتهم الفور و كي حمارو ملفوق خرجتهم
نتمنى يعجبكم اطوني رايكم
مشكوووورة
واش ممكن نبدل العدش بحاجة اخرى
وشكرا
اختي لؤلؤة البحر انا العدس كان عندي ملفطور و محبيتش نرميه تقدري تستغناي عليه كامل و تقدري حتى تعوضيه بلحم مرحي