بخصوص المطبخ طلب مساعدة 2024.

انا شفت هاذ المطبخ في النت و عجبني حبيت نسقسيكم اذا تعرفو بقداه يسقام هكاك عند النجار و الي خدمت حتى اليمو صغير تقولي
بقداه يخدمو الميترة و شكرا مسبقا

وش رايكم فيه خير من الالوميتال الي خارج جديد يقيسو الما يشنفخ و غالي باطل
ز انا كوزينتي قد هكا تقريبا

الله يبارك يهبل كون تلقاي واحد يخدمهولك هاكدا الله يبارك ومهما يكون يسقاملك اقل من تشريه جاهز
لكن للاسف مانقدر نفيدك باستفسارك

شكرا على مرورك انشالله نلقا هنا واحدة تفيدني

حبيبتي حنا عندنا اتولي ديال الحطب ونخدمو كلشي يعني الكوزينات وغرف النوم وكل شيء
غدوا نسقسي بابا شحال تستقام ونردلك

amira couzinat mama tachbah haka ya3ni fi louh
nachfa darat lezilement min fog berk b 2 million mai hadi mouda raha sur ghalia dorka
sawriha w adiha li najar ya3tik istimation balak yagdar igoul le prix

حبيبتي انا عندي الكوزينة صغيرة وخدمت الإيليمو صغير على هذا ولكن نفس المودال ب 4 ملايين

شكرا لك ام عبد الباري و ام ياسمين و زارا راني نستنى واش يقولك باباك

[align=center]انا نقولك الالمنيوم احسن ومودة ومايفسدش ومايشدش الحشرات
واكيييييد انظف[/align]

شوفي حبيبتي انا قالي 35 ولا 40 مليون ولا تقدر حتى توصل ل 70 مليون
اطبعي الصور وديهم لكاش نجار في جيهتكم وهو اكيد راح يقولك على السومة سواسوا
لانو السعر في مل منطقة يختلف

فعلا شباب هاذ المطبخ
أنا نظن بالعكس اللي يكون مخدوم كيما هاذا يستقام غالي على الجاهز
ولكن الشيئ المليح انك تقدري تقوليلو كل القياسات وايضا كيما تحبي ديكورها
ونصيحتي ليك
روحي عند نجار ووصفيله الكوزينة واكيد راح تخلصي بالتقسيط لأنو النجار يطول في الخدمة وكل مرة يعطيك قطعة
وربي يسهل ان شاء الله