اسدالات الصلاة 2024.

السلام عليكم اخواتي…..انا لا علاقة لي بمجال الخياطة بصح نحب نتفيهم شوية ههههه
راني حابة اسدال صلاة ومالقيتش شابين قلت الخياطة تخيطلي واحد يجي كي شغل جلباب هو قطعة وحدة من الراس للقدمين وفيه الاكمام بصح ماعرفتش في الراس كي يجي دير لاستيك ولا كيفاش؟

لا اختي انا جابهولي من مكة مايجيش لاستيك ولا شي عادي شل شال لاصق فيه جهة اطول من جهة فقط وتلبسي وتربطيه

اذا قدرتي حبيبتي ديريلي صورة

ختي اسدالات الصلاة تع قطعة وحدة ماكانش هنا ……..كاين غير في سوريا
هنا كاين تع 2قطع تنورة +خمار طويل يغطي حتى الذراعين نحاول نحوس على صورة تقريبية ونبعثلك تشوفي هذا 2قطع وهذا تع قطعة 1

محبة زوجها عنا حنا تع قطعة وانا شريتو قولها ديرلك فيه لاستيك باش دخليه

اهلا ميمي واش راكي
ااااا كاين انا مالقيتش عندي تع 2 قطع شفتهم غير في سوريا
ختي صحب راجلها من سوريا جابلها واحد

مساء الخير اختي اسدال الصلاة كاين قطعة واحدة شفتهم يتباعو بصح مازال ماشريتوش وانا مع الاخت -طالبة عفو الله – قولي للخياطة تديرلك لستيك هكذا باه ما يطيحش وانت تصلي ربي يتقبل منا ومنك

الله أعلم أختي انا نصلي بالجلباب
تقدري دريه يتربط كما الجلباب

الحقيقه انا صنعت حجاب للصلاة من ابتكاري ،كان عندي حجاب تاع قطعتين مقصته عند الصدر ،يعني نحيتله الكمين والصدر،وعملتله كفة وتكيتها بلاستيك ،اصبح تنورة وندير معاه القطعة العليا،الصراحة جا ساهل في لبسه،ومريح،

انا شريتو واجد فيه منين دخلي يديك واستيك في الراس
من عند واحد يبيع حواج الصلاة من العاصمة والقماش نتاعو هايل مايقلقش في الصيف
حوسي برك مليح تلقاي