السلام عليك ورحمة الله وبركاته اخواتي بنات العاصمة بغين نسالكم على محلات بيع الملابس نتوع الدار والاعراس وين يكونو لاني الغدوة ان شاء الله راني رايحة للعاصمة وعندي غي نهار غدوة خاطرش راح نروح ونجي في نفس النهار وماعنديش الوقت بزاف باه ندور ونحوس ومع هاذي السخانة الله يوفقكم رودو عليا راني نستنا فيكم
حبيبتي انا منيش من العاصمة لكني درست فيها 4 سنوات
ادا راكي حابة المخير انتاع لعرايس روحي لسوق دبي لي هو الجرف في باب الزوار رايحة تلقاي فيه كل خير
وانا نحب السلعة انتاعو لانها كلها هايلة و متعدد الادواق
ربي يتمم ليك بالخير حبيبتي
شكرا لك اختي بنت عين صالح انا باغية نحضر عرس ولد خالي ما العرس راه مازال ماجاش المكتوب ربي يجيب ليا وليك ولبنات المسلمين
اللهم امين حبيبتي راني فاولت عليك ان شاء الله يخطبوك في عرسو هههههههههههه
كايش بازار حمزة في باش جراح
شكرا لك اختي احلام وردة الله يحفظك من كل سوء
اختي الغالية انا راني عاصمية المولد وعشت فيها أكثر من 9 سنوات بعد زواجي وسكنت في مناطق كثيرة منها شفت الحراش رغم الزحمة إلا انو كل شيء فيه وثاني كاين بزار le printemps كاين فرع في العاصمة لداخل وكاين في سان ميزون
وتحبي ثاني الرويبة غالية صح مي مليحة وواسعة تحوسي براحتك
والجرف كما قالت اختي بنت عين صالح في باب الزوار هايل جدا ومنظم
شوفي حسب المكان اللي قريب ليك لان المناطق بعيدة شوي ما حركة المرو والصيف
ربي يوفقك
وتحبي ثاني الرويبة غالية صح مي مليحة وواسعة تحوسي براحتك
والجرف كما قالت اختي بنت عين صالح في باب الزوار هايل جدا ومنظم
شوفي حسب المكان اللي قريب ليك لان المناطق بعيدة شوي ما حركة المرو والصيف
ربي يوفقك
شكرا لك اختي زينب الله يوفقك ان شاء ويرزقك من فضله يارب
العفو حبيبتي تمنيت راني في العاصمة نضيفك ونحوس بيك
اتمنى لك رحلة طيبة ان شاء الله
اتمنى لك رحلة طيبة ان شاء الله
اختي انصحكي بدبي الجرف الي موجود في باب الزوار و ايضا سوق بومعطي بالحراش