الميوناز المنزلية 2024.

صحح صيامكم
حبيباتي
علاش المايوناز ما تخثارش
واللي عندها وصفة مجربة ناجحة تفيدني بها
انتظر مساعدتكم الملحة
شكرا

بسم الله الرحمن الرحيم والله يا الحنونة عندي وصفة أكيدة ومجربتها شعال من خطرة. صفار بيضة تكون باردة كاس زيت بارد مدا بيك تحطيه شوية في الثلاجة 3مغارف كبار خل القصبة أبيض شوية ملح ديري في إناءيكون من البلاستيك أو الزجاج صفار البيض شوية المل ح ذربي بالباتور أوالفرشيطة وابداي تزيدي في الزيت غير بالقطرة وبقاي اتضربي حتى اتكملي كامل الزيت من بعد خفيها بالخل وان شاء الله اتسييها وتخرجلك

ki matketrilhach zit matakhtarch ou kayen les recettes ta3 la mayonnaise ghir homa

جربي مايونيز البن ديري كاس لبن -2 ملاعق أكل حليب غبرة -سنة ثوم مرحية-عصير حبة قارص -كأس زيت وان حبتيه اجمد زيدي الزيت اضربي اللبن مع الثوم والملح وقليل من عصير اليمون مليح ومن بعد ضيفي الزيت واحة واحدة ومن بعد كملي القارص وكان حبيتيها اجمد زيديله الزيت وادعيلي تجي تهبل وبصحتك مسبقا

انا نعمل حبة بيض كاملة كاس زيت ملح فلفل الاكحل ثوم مع بعص نخلطهم كامل في ميكسور تاع اليدمدة 3 دقائق اجي يابسة ………..جربيها ورجعي لي لخبر ……ملاحضة حبة بيض تكوني جبدتها من الثلاجة

شوفي انا مرة جربت مايونيز للحبيبة ام كوثر وخرج لي يهبل كيما لي نشروه واعتمدته من داك اليوم غير هو لي نخدمو ولي دقو عندي يعجبها
نعطيك الوصفة بالصور لي حطيتها في ركن تطبيقات
2بيض كاملين+مغرف كبيرة خل+مغرف كبيرة عصير الليم+مغرف كبيرة لحضة+مغرف صغيرة خل
خلطي الكل في الميكسور ومن بعد ضيفي بالمغرف الزيت انا حطيت 2 ديال لبول ديال الزيت
غيرجربيه والله ماتندمي عليه ونتمى ينجح ليك

باااااارك الله فيكم حبيباتي على الوصفة
انا موالفة تنجح ولكن البارح جربتها بقات سائلة وما حبتش تثقال
ممكن السر في الخفق والا البيض سخون
اكرر شكري
ربي يعطيكم ما تتمناو

انا عندي الروبو تاع الطاس يليق ولالا

كيفاه ديال الطاس مانقدرش نفيدك ممكن تصوريه وتحطيه
وادا راكي موالفة تخدمي بيه جربي فيه المايونيز

لي عودة ان شاء الله