السلام عليكم ورحمة الله
اليوم عملت ع العشا غراتان بالبطاطا والجلبان والجزر
نبدا بطريقة التحضير لانو المقادير على حسب أفراد العائلة
نأخذ الجزر ونقطعوه مربعات ونزيدو الجلبانة ونديروهم يفوروا
نأخذ البطاطا ونقطعها ايضا مربعات ونقليها
نأخذ حبة بصلة كبيرة ونرابيها ونديروها تتقلى مع شوية فلفل اسود وملح كي تتقلى شوي يعني نص طياب نحطوا فوقها الكفتة – اللحم المفروم – حتي يطيب
نكونوا جهزنا البيشاميل عل جانب
نأخذوا صينية نحطوا البطاطا والجز والجلبان – نص الكمية – ونخلطوا مليح نديروا اللحم المفروم في الوسط ونحطوا الي بقى من البططا والجزر والجلبان ونحطوا فوقهم البيشاميل وشوية فرماج رابي
وندخلوها للفرن
تطيب غي شوية لانو كل شي فيها طايب
وكي تخرج نزيدو نحطوا فوقها فرماج رابي
وتاكلوها بالصحة والهنا ♥
أتمنى أنكم فهمتوا
أي استفسار انا هنا
بصحتكم نججربها ان شاء الله
اممممم مفهومة ياريت كانت صور
ان شاء الله
بارك الله فيكم
بارك الله فيك تمنيت ان كانت بالصور
ماشاء الله
بصحتكم
ننتظر المزيد من ابداعاتك
بصحتكم
ننتظر المزيد من ابداعاتك
تسلمي حبوبة وبصحتكم
وصفة رائعة رغم عدم وجود الصور إلا أني تخيلتها وبانتلي تشهي
بصحتكم حنونة
أكيد نجربها إن شاء الله
بصحتكم حنونة
أكيد نجربها إن شاء الله
مشكوووووورة عزيزتي….
انا موالفة نديرها وفي بلاصة الكفتة نعمل الدجاج مفتت وممكن في بلاصة الجلبان نعملي الزيتون اخضر مقطع تجي هايلة