دوماااا مع خبز الدار وبمناسبة حلول عيد الاضحى المبارك
ونظراااا لان الكثيرات تتسابقن في تحضيره
حبيت نشاركم وحصريااااا
وصفتي الخاصة
مش منقولة
من اي شيف
ولا من عند اي احد
فكرة جاتني ونفدتها وطلعت رووووووووعة
الحمد لله
بدون اطالة
المقادير
2 بول فرينة (او سميد او واحد فرينة و واحد سميد اختاري انا جربتها بيهم كل وكلهم ملاح)
1م ك سكر
1م ك خميرة الخبز
ماء دافيء
ملح
1/4 كاس شاي زيت
صفار بيضة+قهوة مركزة
سينوج/جلجلانية
هدا مكيالي
البول هدا =1/4ل
في العجانة نضع كلا من
الفرينة+السكر+الخميرة
ونلم بالماء الدافيء تدريجيا
نضيف الملح المداب في القليل من الماء الدافيء
ونواصل العجن.
بعد انتهاء عملية العجن
اصب على العجينة كمية الزيت
ثم اغطيها في مكانها بكيس غدائي و سارفيات مبلولة شوية
واتركها تختمر للمرة الاولى.
.
.
.
.
بعدما تختمر
نعاود تشغيل العجانة لادخل كل الزيت اوزعه بالتساوي فيها
لو تعجني بيدك راح تجيك شوية صعبة اصبري وماتقلقيش
درك تتلم كل
نواصل العجن الى ان نحصل على عجينة ملساء تلتصق بالايدي
نكونو محضرين بلاتو مرشوش بالفرينة
ندهنو يدينا بشوية زيت
ونحلو العجينة تعنا في البلاتو
الشكل الي نحبوه.
نعاودو نغطيوها
ونخلوها تختمر للمرة الثانية
.
.
.
من بعد
نحضرو صفار/قهوة وندهنو وجه الخبز
ونزينه بالسينوج والجلجلان
وفوراااا الى الفوووووووووووووور
المسخن مسبقا
180 درجة مئوية
انا للاسف الكوشة تاعي ماتشتغلش الفوق وحدها
تشتغل مع بعضها
فمايحمارليش بزااااف
+
مانخليهش بزااااف باه ماتعمليش قشرة سميكة من تحت نحبها طرية
هدا شكله النهائي
مداقه رهيب
خفيف
شوفو خفته
ملاحظة
نفس الوصفة عملتها خبز الهمبرغر وجاتني روووعة
نسيت ماخبرتكمش انه ممكن تعمليه في الليل وتحطيه في سارفيات وكيس مغلق وتحتفظي به في المطبخ وغدوة مايبانش خلاه انه بايت
نقصو علينا شوية لنهار العيد
يبقانا غير الكبش 
ههههه
نتمنى اني افدتكم
وصح عيدكم مسبقاااا
حبيبتي، يعطيك الصحة و تسلم الايادي، الخبز هذا لازم يكون نهار العيد إن شاء الله
نهار العيد او حتى قبل
راح يحمر وجهك صدقيني
شكرااا لمرورك اختي
ربي يخليك
مشكووووووورة
اتشرف بتجريبك لوصفتي
شكراااا لمرورك وصح عيدك