تورتة بالعجينة المورقة و حشوة الدجاج و البطاطا و الجلبانة من مطبخي 2024.

السلام عليكن حبيباتي الرائعات سيداتي الكريمات

حبيت نشاركم اليوم بهذه التورتة الاقتصادية و اللذيذة ان شاء الله جربوها و تنال اعجابكم اليكم الخطوات

-4 قطع دجاج متوسطة الحجم

-حبة بصل متوسطة الحجم

-فصين الى 3 فصوص ثوم

-التوابل( فلفل اسود / ملح)

-2 ملاعق زيت

-5 حبات بطاطا متوسطة الحجم

-حفنة جلبانة

-3 بيض ( 2 حبات للحشو + صفار للطلية)

-4 قطع جبن

-عجينة مورقة

-اول حاجة نخرج العجينة المورقة من المجمد قبل الاستعمال اذا كانت مجهزة في البيت ( هذه العجينة كنت محضرها في البيت اليكم رابط طريقة عمل هذه العجينة )
الرابط
https://www.dzhawaa.com/vb/dzhawaa33557

-في قدر نحط البصل + الثوم مسكرفجين او مرحيين في الخلاط

ثم نضيف قطع الدجاج + التوابل المذكورة + الزيت

نخليها على نار هادئة تتقلى مدة 10 د مع تقليب اطراف الدجاج من حين الى اخر بعد هذه المدة نضيف كاس نتاع الماء قيس مانغطي بيه اطراف الدجاج و نخليه على النار هادئة دوما

-نقشر حبات البطاطا و نغسلها مليح و نقطعها قطع صغيرة عشوائية مايهمش الشكل لانو من بعد نهرسها

-كي نشوف ان الدجاج بدا في الغليان نضيف البطاطا المقطعة + الجلبانة و نخليه يواصل الطهي على نار متوسطة حتى يتبخر الماء كله

-نجهز صينية دائرية الشكل او قالب كرتان يكون دائري لك الاختيار انا اخترت هذه الصينية سهلة في الاستعمال نقسم العجينة المورقة على اثنين

-على طاولة العمل مرشوشة بالفرينة نحل العجينة على حسب القالب و نفرشها على الصينية

-بعدما طاب الدجاج و البطاطا ايضا و نشوف ان المرق نشف مليح ندي اطراف الدجاج و نفتتها و نخليها على جهة و نهرس البطاطا و نخليها على جهة ( اذا شفنا انا البطاطا راهي ناشفة نزيد ليها غير شوية من المرق حوالي ملعقتين باش نتحصل على خليط مايكون ثقيل ماخفيف)