سلام..راني حضرتلكم طريقة جديدة لتحضير المشوك والله هايل هايل حتي ماتقدريش تقاوميه في الذوق اترككم مع الوصفة بالصور.. _ 6صفار بيض _ 500غ منغارين _كاس اتاي زيت_وحدة خمارة _قشور الليمون _لفاني _كاس لوز مرحي معليش تعوضي اللوز بالكاوكاو يلا ماعندكش _نشفي بالفرينة حتي تتحصلي علي عجينة طرية ماتيبسيهاش ونخليكم مع الصور…. 
ديريها كريات او الشكل الي تبغيه 
ومنبعد ديري هاذوك الكريات في بياض البيض الي بقالك من الصفار الاول 
وكي تخرجيها من البياض ديريها في الكاوكاو او اللوز مرحي لكي الاختيار انا درت كاوكاو 
ومنبعد حطيها في لي كيسات وديري فالوسط نصف حبة سوريز راه يتباع في علب صغيرة او حبة كاوكاو او لوز ودخليها للفرن 
وفي الاخير كي تخرجية من الفرن جيبي العسل ورفدي بملعقة وحطي فوق كل حبة عسليه مليح وبالصحة والهناء
سلمت يداك مشكورة على الوصفة
رووووووعة
يعطيك الصحة يالالة
بارك الله فيك اختي على الوصفة الرائعة
هايلة يعطيك الصحة
الله يعطيك الصحة اختي اممممممممممممممممممممممممم